Accessibility links

якшәмбе, 4 декабрь 2016, Казан вакыты 13:10

Íslam mäğarife şurası utırışı


Düşämbe Rusiäneñ möftilär şurasında Íslam mäğärife belän şöğellänüçe maxsus törkemneñ utırışı buldı. Bu törkem Mäskädä,Tatarstanda, Mardoviä, Penza, Tübän Novğorod häm Mäskäw ölkälärendä íslam dinen öyränüçe uqu yortların berläşterä.

Utırış xaqında Rusiäneñ möftilär şurası räise Rawil xäzrät Ğäynetdin bolay dip belderde: -Bu bezneñ íslam mägrifätçelege täğlimatı buyınça çirattağı sovet utırışı. Kön tärtibenä möselman cämäğätçelege, bigräk tä uqu yortları aldında tora torğan, mäsälälär qaradı. Qayber regionnarda “Osnovı pravoslanıy kulturı” digän pravoslawvä täğlimäten mäktäplärdä uqıta başlaw. Niçä yıllar bez haman ber närsäne äytep kiläbez. Bez Tatarstan cömhüriäte prezidentı Mintimer Şäymievneñ äytkän fikere belän tulısınça kileşäbez. Çönki, ul: “Ägär dä kem dä kem qanunnı bozıp bu däreslekne kertä torğan bulsa, ul, dimäk, xata eşli. Häm Rusiädä dinnär arasında, xalıqlar arasında tınıçlıqnı bozuğa kiteräçäk”,- dide. Bez dä şul uq fikerdä.

XS
SM
MD
LG