Accessibility links

шимбә, 10 декабрь 2016, Казан вакыты 02:25

Torlaq milli proekt ütäleşe şik astında


Başqortostanda fatirźarğa xaqtar tağı la 9%-qa arttı. Küsemheź milek agentlıqtarı mäğlümättärenä qarağanda, xaqtar artıuı täw siratta ularğa horaw artıu menän añlatıla. Öfölä iñ arzan torlaq Çernikovkala ber bülmäle fatir 850 meñ, iñ qıybatı üźäk rayondarźa 14 million humğa yetä. Monopoliağa qarşı federal xeźmät Başqortostanda la monopoliağa qarşı qanuniätteñ ütäleşen tikşerä başlanı. Federal xeźmätteñ Başqortostandağı idaralığınan xäbär itewźärensä, torlaq töźöü ösön yır bülew yentekläp tikşereläsäk. Tap yır bülgändä qanuniätte boźow osraqtarı buyınsa 14 yenäyät eş quźğatılğan. Torlaq töźölöşö baźarındağı eştär toroşon artaban maxsus törköm tikşeräsäk. Torlaq xaqı buyınsa Öfö İdel buyı federal bülgesendä aldınğı urındarźı biläy. Yıl başınan xaqtar 75%-qa artqan. Yañıraq federal ministr Vladimir Yakovlevtıñ Başqortostanğa eş säfäre barışında respublika yetäkseläre unı beźźä torlaqtıñ kvadrat metrı 15 meñ rubl samahı tip aldağaynı. Kirehen äythälär federal ministr Başqortostanda Vladimir Putin täqdim itkän milli proekttıñ ütäleşen şik astına quyır ine. Respublika yetäkselege wäzğiätte Başqortostandan sitkä sığarmay ğına xäl itergä niätläy.

Torlaq xalıqtı, ayırıusa, yäştärźe borsoğan iñ könüźäk mäsälälärźeñ berehe. Torlaq milli proektı ütäleşe, oşo baźarźa xaqtarźı köyläw buyınsa parlament tıñlawźarı ütkärew qarala. Tiźźän Kontrol-xisap palatahı üźeneñ sirattağı ultırışında "Sälämätlek" milli proektı siktärendä federal budjettan respublikağa bülengän aqsalarźı maqsatqa yaraşlı totonowźı tikşeräsäk. Tiźźän şulay uq däwlät kontrolerźarı torlaq töźölöşö milli proektı ütäleşen dä tikşeräsäk.

XS
SM
MD
LG