Accessibility links

җомга, 2 декабрь 2016, Казан вакыты 21:15

Tatarstanlılar bötendönya xalıqara forumında


Tübän Novgorod şähärendäge 11нче bötendönya iqtisat – sänäğät forumı qısalarında “Rusiä xalıqlarınıñ 4nçe kongressı” ütä. Oyıştıruçıları bulıp Rusiä xalıqları assambleyası, Rusiä xalıqları yortı isemendäge oyışmalar tora. Äytkänebezçä älege çaralarda Bötendönya tatar kongressı wäkilläre dä qatnaşa. “Azatlıq”qa BTK citäkçeseneñ berençe urınbasarı Rinat Wälullin älege çaralarda işetkän-kürgännäre belän urtaqlaştı. Süzen ul “Rusiä xalıqlarınıñ 4нче kongressı”nan başladı: - Cıyılışnı Rusiä xalıqları assambleyası Şurası citäkçese alıp bardı. Ul äytte xäzer törle ideologiä yäşäp kilä dide. Äytik Estoniä estonnar öçen, Çeçnya çeçennar öçen, Rusiä ruslar öçen digän süzlär yöri. Bu üz-üzen berniçek tä aqlıy almıy di Rusiä xalıqara assambleyası Şurası citäkçese. Tatarstan tatarlar öçen dip tä äytä başlağan ide, tik süzen tözätep Tatarstan başqalarğa tolerantlıq kürsätä torğan töbäklärneñ berse dide. Massaküläm mäğlümat çaraları turında da ul, alar tolerantlıqnı bozıp kürsätälär digän fikerne dä işetterde. Forum qısalarında ikençe oçraşuları “Mädäniätlär dioloğı häm din ara xezmättäşlek” dip atala. Bu konferensiä Rusiä Federatsiäseneñ Awropa Şurası ministrlar komitetında räislek itüe qısalarında uza häm bıyılnıñ fevralendä Qazan ratuşasında Awropa Şurasınıñ keşe xoquqları buyınça komissar apparatı ütkärgän xalıqara seminarnıñ däwamı bulıp tora ikän. Şuşı xaqta Rinat Wälullin süzen däwam itep, bolay dide: - Barlığı 50 däwlättän monda qunaqlar qatnaştılar. Kübräk Yevropa belgeçläre ide. Yevropa Şurasına kilgändä, monda 46 il, Rusiädä aña kerä. Alarnıñ yıllıq byudjetları 186 mln. yevro. Bu bik zur san, añlaşıla inde alarnıñ zur konferensiälär ütkärergä köçläre citä. İslam dine buyınça söyläşergä konferensiägä Rusiä möftilär Şurası räise Rawil Gäynetdin. Tatarstannan möftineñ berençe urınbasarı Wälulla xäzrät Yaqupov, Rusiä İslam universitetı rektorı İldus Zahidullin häm başqalar bar ide. Bez anda xäzerge waqıtta borçığan zur mä’sälälärneñ berse mäktäplärgä xristian dine nigezlären kertüne kütärdek. Soñğı konferensiäneñ näticälärendä dä monı rezolyutsiägä kertergä kiräklekne äyttek. Sez Bötendönya tatar kongressı citäkçeseneñ berençe urınbasarı Rinat Wälullinı işettegez. Bu xalıqara forumda, konferensiädä qatnaşuçı Tatarstanlılar, millätara häm din ara mä’sälälärne dönya küläm däräcädä urtağa salıp söyläşülär bezdä demokratik däwlät tözü öçen şartlar tudırır dip ışanalar. Tübän Novgorodta zur ğına xalıqara forum, konferensiä uzsa da Rusiäneñ ere massaküläm mäğlümat çaraları moña artıq iğtibar birmädelär dip tä quydı anda qatnaşuçılar. Röstäm İsxaqi

XS
SM
MD
LG