Accessibility links

Кайнар хәбәр

İnvestitsialar ni ösen aź yälep itelä?


Respublika prezidentı qaramağındağı strategik eşlänmälär üźäge wäkildäre Başqortostanda investisialar yälep itew konsepsiahı töźöldö tip belderä. Bıl konsepsia täwźä prezident xäkimiäte yetäksehe Radiy Xäbirov yetäkselegendä şura ultırışında tikşerelde. Unda qatnaşıusılar Başqortostanğa bik aź külämdä investisialar yälep itelä tine. Ämmä bınıñ säbäptären ular äytmäne. "Respublika iqtisadi yähättän köslö töbäk, iqtisadi üźeş küźätelä, xäźer innovasion texnologialarźı üźterergä käräk. Bınıñ ösön täw siratta tışqı investisialarźı arttırıu zarur" - tine üźäk yetäksehe Nazarov äfände. Üźäk yetäkseläre Başqortostanda aź külämdä investisialar yälep itelewen däwlät qoroloşonda tügel, investisia doqumenttarın räsmiläşterewźeñ bik oźaqqa huźılıuında kürä. Şuğa la ultırışta berźäm täźrä prinsibı buyınsa eşlärgä qarar itelde. Täwźä proekttar üźäktä terkälew ütäsäk. Huñınan teyeşle baha alğas, ularźı respublika prezidentı qarayasaq, ul fatíxa birgän osraqta ğına inwestorźıñ Başqortostanğa kilewe ixtimal. Üźäk yetäksehe Nazarov äfände hüźźärenä qarağanda, bıl eştä Başqortostan xäkimiättäreneñ säyäsi häm administrativ mömkinlektäre fayźalanırğa teyeş.
XS
SM
MD
LG