Accessibility links

пәнҗешәмбе, 8 декабрь 2016, Казан вакыты 17:15

Rice Süriägä räxmät belderde


Süriä başqalasında suğışçılar Quşma Ştatlar ilçelege binasına höcüm itkän. Süriäneñ eçke eşlär ministrı Bassam Ğabdel Mäcit bu höcümne “terror ğämäle” bularaq bäyäläde. “Monıñ terror höcüme buluına ber kemneñ dä şige yuq. Älegä bezgä nindi terror oyışması höcüm itkänlege genä bilgele tügel. Tikşerü eşe bara. Höcüm itüçelärneñ berse yaralanğan häm qulğa alınğan. Tikşerü waqıtında küberäk mäğlümat alırbız”,- dide Süriäneñ eçke eşlär ministrı. Ministr äytüençä, iminlek köçläre xezmätkärläre höcüm itüçelärneñ 3 sen ütergän. Atışlar waqıtında kim digändä Süriäneñ ber saqçısı hälaq bulğan. Amerikan ilçelege wäkile, ilçelek xezmätkärläreneñ bersenä dä zıyan kilmäde, dip belderde.

AQŞ däwlät sekretare Condoleezza Rice Dimäşektäge ilçelekne yaxşı saqlağanğa Quşma Ştatlar isemennän Süriägä räxmät belderde. Kürüçelär söyläwençä, höcüm itüçelär binağa maşínağa utırğan kileş yaqın kilergä tırışqan. Süriä saqçıları alarğa ut açqan. Atışlar qızğan waqıtta suğışçılar üzläre maşínanı şartlatqan bulırğa tieş.

XS
SM
MD
LG