Accessibility links

пәнҗешәмбе, 8 декабрь 2016, Казан вакыты 21:18

“Altın Mönbär”dä tatar multfilmı kürsätelde


Çärşämbe könne kürsätelgän Başqortstannıñ “Ozın-ozaq balaçaq” digän fil'mı ğadi keşe tormışın, uzğan yullarnı surätli. Ğomumän “Altın Mönbär” festivalendä kürsätelä torğan fil'mnar şaqtıy törle. İran, Fälıystin illäre fil'mnarında möselmannarnıñ yäşäyeşe, ildäge soñğı wäzğıät – suğışlar, terrorçılıq kürsätelä. Şulay uq Böyekbritaniä fil'mnarı da möselmannar belän bäyle. Sişämbe könne Böyekbritaniäneñ “İske Sanada yaña kön”, “Ğuantanamoğa yul” fil'mnarı küp tamaşaçılarnı uylandırırğa mäcbür itte. Läkin fil'mnar arasında möselmannarğa hiç bernindi bäyläneşe bulmağannar da bar. Şul säbäpleder, çit illärdän kilgän qayber wäkillär İslam kinoları az dip belderälär. Afrikanıñ Samali şähärennän kilgän Äxmät Nuride dä şul uq fikerdä.

Fälıystinnan Möxxämmäd isä suğış baru säbäple, xäzerge waqıtta sıyfatlı fil'mnar töşerü mömkinlege yuq di. Bilgele bulğança, Fälıystin festival' açılışı könne ük “Ray segodnya” (“Bügen - cännät”) digän fil'mnı kürsätkän ide.

Fälıystinnıñ Rusiädäge ilçese dä Rusiä İslam mädäni üzäge Şurası utırışında festival' belän soqlanıp: “İnde yıllar buyı oyıştırılıp kilä torğan çarağa oşağan. Şaqtıy yuğarı däräcädä uza” dip assızıqlağan ide.

İndoneziä ilçese isä kiläse yılğı festival'gä üzläreneñ fil'mnarın kertäçäklären äytte.

Qazaqstannıñ “Koçevnik”, Başqortstannıñ “Ozın-ozaq balaçaq” digän fil'mnarı şaqtıy uñışlı töşetelgän. Barı Tatarstannıñ üz fil'mı bulmaw ğına kübesen aptıraşta qaldırğan. Tatarstannıñ kino sänğaten üsterü fondı citäkçese Ramil Töxvätullin

Tatar ilendä tatar fil'mı bulmaw jyuriğa da qızıq tügel. Alar bezneñ fil'm bulmawğa ğäcäplänälär.

Ramil Töxvätullin citäklägän fond tizdän “Dilema” digän fil'm häm “Şüräle” digän äkiät töşerü eşen başlayaçaq. Alar kiläse “Altın Mönbärgä” äzer bulırğa tieşlär.

“Altın Mönbär” festivalendä pänceşämbe könne Törkiä, Hindstan, Qırğızstan häm Äzerbäycan fil'mnarı kürsäteläçäk.

Landış Xarrasova

XS
SM
MD
LG