"Oppozitsiä berläşterä, xakimiät tarqata" dilär. Bu äytemdä, küräseñ, küpmeder xaqlıq bar. 2004 yılda Viktor Yuçenkonı prezident känäfienä kitergän Äflisun inqilabı saflarında tarqalu däwam itä. Başta bu saflardan Yuliä Timoşenko blogı kitte, annarı Sotsialistlar, xäzer menä Reformalar häm Tärtip firqäse.
Mart ayında ütkän parlament saylawlarında Viktor Yanokoviçnıñ Töbäklär firqäse ciñep çıqqannan soñ, "Bezneñ Ukraina" bloğı krizisqa qarşı kileşü imzalap, berniçä ministr urınına ireşte. Läkin kileşüne kommunistlar da imzaladı. "Bezneñ Ukrainaçılarnıñ" kübese kommunistlar belän ber xökümättä eşlärgä telämi. Äytkändäy, Yanukoviçnı premier urınına raslağanda da, kileşü buluğa qaramastan, Bezneñ Ukrainadağı 80 deputatnıñ ni barı 30ı uñay tawış birde.
Xäzer Bezneñ Ukraina blogında fiker büleneşe. Beräwlär, Yanukoviç öçen tawış birgännärne berlektän quarğa çaqıra. İkençelär, kiñräk koalitsä turında uylana. Blokta qalğan töp firqälärneñ berse – Xalıq Ruxı – qırıs qaraşta tora.
"Yaña koalitsiä tözergä bula, läkin berük waqıtta Rada häm xökümättä citäkçelekne üzgärtergä kiräk. Häm dä koalitsiädä kommunistlar bulmasqa tieş" di Xalıq Ruxı wäkile deputat Mixaylo Pojivanov.
Ä menä tağın ber Bezneñ Ukrainaçı, eleke İminlek häm Saqlanu ministrı Petro Poroşenko yomşağraq qaraşata:
"Bar närsä söyläşügä bäyle. Koalitsiäneñ iseme-cisemenä qarata törle qaraşlar bar. İñ möxime, anda milli berdämlek turındağı deklaratsiä prinslipları urın alsın" di Petro Poroşenko.
Qayber belgeçlär fikerençä, bu wazğiättä Bezneñ Ukraina Yanukoviç xökümäte belän niçek eşläw mäsäläsendä urtaq fikergä kilä almayaçaq:
"Bu mäsälädä alarda fikerlär qapma-qarşı. Şul isäptän, Bezneñ Ukrainadağı eçke xällärgä qarata da. Bu qarşılıqlar yaqın kiläçäktä xäl itelmiäçäk" di Kievtağı Fälsäfä institutınnan Konstantin Maleev.
Nigezdä Yanukoviç Radada Bezneñ Ukraina yärdämenä moxtac tügel. Täbäklär firqäse, Sotsialistlar wä kommunistlar belän bergä 450 urınnıñ 240ın alıp tora. Qanunnarnıñ kübese öçen bu citärlek tawış. Tik menä bazar taraflı iqtisadi çaralarğa kilgändä, kommunistlar da, sotsialistlar da qarşı çığarğa mömkin.
Östäwenä Bezneñ Ukraina Yanukoviçqa Könbatış aldında awır xäldä qalmas öçen yarap quya ala.
Koalitsiä tözü söyläşüläre niçek kenä betmäsen, inde xäzer ük şunı äytep bula – prezident taraflı Bezneñ Ukraina blogı xökümät tözegendä üz şartların quyu däräcäsen yuğalttı, häm xäzer ikençe köç statusı belän rizalaşırğa mäcbür.
Qayber xäbärlärgä qarağanda tağın berniçä deputat Yulia Timoşenko yağına awışırğa cıyına. Bu oçraqta Bezneñ Ukrainanıñ qödräte tağı da kimiäçäk digän süz.
Ali Ğilmi
Mart ayında ütkän parlament saylawlarında Viktor Yanokoviçnıñ Töbäklär firqäse ciñep çıqqannan soñ, "Bezneñ Ukraina" bloğı krizisqa qarşı kileşü imzalap, berniçä ministr urınına ireşte. Läkin kileşüne kommunistlar da imzaladı. "Bezneñ Ukrainaçılarnıñ" kübese kommunistlar belän ber xökümättä eşlärgä telämi. Äytkändäy, Yanukoviçnı premier urınına raslağanda da, kileşü buluğa qaramastan, Bezneñ Ukrainadağı 80 deputatnıñ ni barı 30ı uñay tawış birde.
Xäzer Bezneñ Ukraina blogında fiker büleneşe. Beräwlär, Yanukoviç öçen tawış birgännärne berlektän quarğa çaqıra. İkençelär, kiñräk koalitsä turında uylana. Blokta qalğan töp firqälärneñ berse – Xalıq Ruxı – qırıs qaraşta tora.
"Yaña koalitsiä tözergä bula, läkin berük waqıtta Rada häm xökümättä citäkçelekne üzgärtergä kiräk. Häm dä koalitsiädä kommunistlar bulmasqa tieş" di Xalıq Ruxı wäkile deputat Mixaylo Pojivanov.
Ä menä tağın ber Bezneñ Ukrainaçı, eleke İminlek häm Saqlanu ministrı Petro Poroşenko yomşağraq qaraşata:
"Bar närsä söyläşügä bäyle. Koalitsiäneñ iseme-cisemenä qarata törle qaraşlar bar. İñ möxime, anda milli berdämlek turındağı deklaratsiä prinslipları urın alsın" di Petro Poroşenko.
Qayber belgeçlär fikerençä, bu wazğiättä Bezneñ Ukraina Yanukoviç xökümäte belän niçek eşläw mäsäläsendä urtaq fikergä kilä almayaçaq:
"Bu mäsälädä alarda fikerlär qapma-qarşı. Şul isäptän, Bezneñ Ukrainadağı eçke xällärgä qarata da. Bu qarşılıqlar yaqın kiläçäktä xäl itelmiäçäk" di Kievtağı Fälsäfä institutınnan Konstantin Maleev.
Nigezdä Yanukoviç Radada Bezneñ Ukraina yärdämenä moxtac tügel. Täbäklär firqäse, Sotsialistlar wä kommunistlar belän bergä 450 urınnıñ 240ın alıp tora. Qanunnarnıñ kübese öçen bu citärlek tawış. Tik menä bazar taraflı iqtisadi çaralarğa kilgändä, kommunistlar da, sotsialistlar da qarşı çığarğa mömkin.
Östäwenä Bezneñ Ukraina Yanukoviçqa Könbatış aldında awır xäldä qalmas öçen yarap quya ala.
Koalitsiä tözü söyläşüläre niçek kenä betmäsen, inde xäzer ük şunı äytep bula – prezident taraflı Bezneñ Ukraina blogı xökümät tözegendä üz şartların quyu däräcäsen yuğalttı, häm xäzer ikençe köç statusı belän rizalaşırğa mäcbür.
Qayber xäbärlärgä qarağanda tağın berniçä deputat Yulia Timoşenko yağına awışırğa cıyına. Bu oçraqta Bezneñ Ukrainanıñ qödräte tağı da kimiäçäk digän süz.
Ali Ğilmi