12 sentäbr Ufada törki xalıq teatrlarınıñ "Tuğanlıq" festiwale açıldı. IV xalıqara festival urıs-başqort duslığın gäwdäländergän Duslıq monumentına çäçäklär salu belän başlandı. Artaban Mäcit Ğafurıy isemendäge Başqort aqädemiä drama teatrı binası yanında teatrlaştırılğan tamaşa uzdı. Ul yañğır astında ütte, annan soñ çaranı räsmi açu öleşe teatr binasında däwam itte. Anı respublika premer-ministrı Rafael Baydäwlätov açtı. Ul törki xalıqlar teatrı festivalen haman da “ber balıq başı” - Başqortstannıñ Rusiägä üz irege belän quşıluın bäyräm itü aldınnan maxsus bilgelänüen belderde. Baydäwlätovtan soñ “Törksoy” oyışması başı Polat Bül-Bül uğlı çaranı açıp uñışlar teläde.
Şul uq könne festival qunaqları ğafurıylelär “Ural batır” eposı buyınça eşlängän tamaşa kürsättelär. Ul festival tamaşaları bäygesendä qatnaşmıy.
12 sentäber Qazax balalar häm üsmerlär teatrı çığışı buldı. Bügen uzarğa tieşle ikençe tamaşa - Altay teatrı çığışı bulmadı. Säbäbe - teatrnıñ Ufağa kilep citä almawı.
Festival 19 sentäbrgä qädär däwam itäçäk. Yabu tantanasına Rusiäneñ mädäniät häm kinemätografiä agentlığı citäkçese Mixail Şwıdkoynıñ da kilüe kötelä.
Şul uq könne festival qunaqları ğafurıylelär “Ural batır” eposı buyınça eşlängän tamaşa kürsättelär. Ul festival tamaşaları bäygesendä qatnaşmıy.
12 sentäber Qazax balalar häm üsmerlär teatrı çığışı buldı. Bügen uzarğa tieşle ikençe tamaşa - Altay teatrı çığışı bulmadı. Säbäbe - teatrnıñ Ufağa kilep citä almawı.
Festival 19 sentäbrgä qädär däwam itäçäk. Yabu tantanasına Rusiäneñ mädäniät häm kinemätografiä agentlığı citäkçese Mixail Şwıdkoynıñ da kilüe kötelä.
