Accessibility links

дүшәмбе, 5 декабрь 2016, Казан вакыты 13:29

Möslimä xatın-qızlarğa yaña burıçlar yöklände


Uzğan yıl azağında Qazanda Tatarstan möslimäläre, yäğni möselman xatın-qızlarınıñ Qorıltayı uzğan ide. Anda möslimälärneñ Berlege oyıştırıldı häm anıñ citäkçese itep Nailä Cihanşina saylandı. Şul däwerdän birle Tatarstannıñ qayber rayonnarında möslimälär Berlegeneñ filialları – üzäkläre barlıqqa kilde. Pänceşämbe könne näq şul filial citäkçeläre berençe Plenumğa, yäki utırışqa cıyıldılar – mäs’älälärne xäl itü öçen.

Utırışnıñ açılışında Tatarstan möselmannarı Diniä Näzaräte räise urınbasarı Wäliulla xäzrät Yaqub

Bilgele bulğança, Rossiä İslam konferensiäse oyışmasına küzätüçe äğza bulıp qabul itelde. Şulay uq bezneñ eş täcribälärebez ğomumdönya däräcäsendä öyränelä. Bezdän ürnäk alına. Häm sez dä, xatın-qızlar yağınnan da, eşçänlekne canlandırıp cibärep, Tatarstan bu yaqtan da başqa illärgä ürnäk bulırğa tieş.

Wäliulla xäzrät Yaqup belderüençä, rayonnarda dini oyışmalar – xäzrätlär, abıstaylar xakimiät belän bergä eşlärgä tieşlär. Balıq başınnan çeri digändäy, dingä qarata yaxşı möğämälädä bulğan rayon başlıqları bu ölkädä şaqtıy ğına yärdäm itep kilä ikän. Mäsälän Mamadıştan kilgän Älfirä Miñneğalieva

Bezneñ yul çatında yulçılar öçen mäçetlär tözelgän, xäzer tağın ber tözelä. Möslimälär cıyılışına uqıtuçılar, tabibälär, ZAGS oyışması wäkilläre çaqırıla. ZAGS wäkilläre belän möslimälär öçen tanışular üzägen buldırırğa uylıybız.

Älfirä Miñneğalieva möslimälär belän ayına ber cıyılış uzdırıp plannar bilgelibez, atna sayın törle awıllarğa säfärlär qılabız dip belderde. Uzğan yıl xacğa da Mamadış rayonınnan ğına 27 keşe barğan. Çığımnarnıñ kübesen xakimiät qaplağan. Yäşlär arasında da dingä tartıluçılar şaqtıy ikän.

Şul uq waqıtta Qaybıç rayonında möslimälä Berlege bülekçäsen äle oyıştırıp qına cibärergä uylıylar ikän. Roza Kälimullina

Xäzrät ir keşelär, ä min xatın-qızlar belän eşli başlarğa uylıybız. Bu cıyılıştan soñ söyläşäçäkbez.

Roza Kälimullina, yäşlär arasında din belän qızıqsınuçılar älläni küp tügel dip belderä.

Başqortstannıñ Oktäbrski şähärennän kilgän Sälimä İslamgulova äle xakimiät tarafınnan iğtibar az dip belderä. Ämma mäktäp betergän yäşlärdä qızıqsınu zurlığın äytä.

Utırışta barlığı 40ка yaqın möslimälär qatnaştı. Anda rayon häm şähärlärdä balalar baqçalarında häm mäktäplärdä xäläl rizıq buldıru, bala tudıru yortlarında maxsus büleklär açu kebek eşlär yöklände möslimälärgä.

Landış Xarrasova

XS
SM
MD
LG