Accessibility links

чәршәмбе, 7 декабрь 2016, Казан вакыты 01:01

Xäter köne häykälsez ütäçäk


15 oktäberdä yıl-sayın uzdırılıp kilüçe Xäter könenä äzerlek başlandı dip xäbär itä tatar ictimaği wäkilläre. Xäter könen bıyıl eçtälekleräk, tä'sirleräk itmäkçe bulalar. Tatarstan citäkçeläre, Qazan şähäre idäräse belän şul uñaydan söyläşülär bara. Tatar ictimaği üzäge respublika xalqınnan da 15 oktäber könen istä qalırlıq, mäğnäle itep ütkärü maqsatınnan teläk-täqdimnär kötä ikän. Bezgä bu xaqta Marat Mölükov isemendäge böten tatar ictimaği üzäge räise Yunıs Kamaletdinov citkerde. Bıyılda här yıldağıça Xäter köne başqalanıñ İrek mäydanında matäm cıyını belän başlanıp kitäçäk. Şul uq könne respublikanıñ başqa şähär, rayonnarında, tatarlar yäşägän töbäklärdä däwam itäçäk di Yunıs Kamaletdinov häm süzen ul bolay dip däwam itte: - Tatarnıñ iñ zur qayğılı könen bilgeläp ütär öçen häykäl dä bulır tösle ide. Ul turıda inde küptännän söyläşülär bara, qararlar da qabul itelde. Läkin bügenge köngä äle ul häykäl yuq. Tatar ictimaği oyışmaları wäkilläre süzlärenä qarağanda alar yärdämne däwlät oyışmalarınnan, mädäniät ministrınnan kötälär. Respublika xalqı da çittä qalmas digän ışanıçları da bar. Marat Mölükov isemendäge böten tatar ictimaği üzäge räise Yunıs Kamaletdinov süzen däwam itä: - Kiläçäktä Xäter köne aldınnan piketlar oyıştıru da küzdä totıla. Şulay uq cıyılışlar, seminarlar bulır dip tä ışanabız. Radio-televideniälärgä dä xäbär sala başladıq inde. Xäter köne uñayınnan älegä menä şundıyraq çaralar kötelä dip xäbär birä Yunıs Kamaletdinov. Röstäm İsxaqi

XS
SM
MD
LG