Accessibility links

якшәмбе, 11 декабрь 2016, Казан вакыты 03:28

Ufada şärıq belgeçläreneñ qorıltayı ütäçäk


Ufada 26-27 sentäber könnärendä şärıqnı öyränüçe ğalimnärneñ V Bötenrusiä qorıltayı ütäçäk. Başqortstan Xökümäte bu möhim qorıltaynı ütkärü öçen 1 million yarım sum aqça bülgän, şul uq waqıtta, bu qorıltay Bötenrusiä qorıltayı dip ataluğa da qaramastan, federal'' üzäk bu çarağa ber tien dä aqça birmägän. Läkin, moña qaramıyça, Ufada şärıqçılar qorıltayın layıqlı däräcädä ütkärergä äzerlänälär. Moña qädär şärıq belgeçläre qorıltayları Elistada, Qazanda, Sankt-Peterburgta häm Mäskäwdä ütkärelgän ide. Mäskäwdäge qorıltayda çirattağı märtäbäle cıyınnı ütkärü urını itep Ufanı sayladılar häm Şärıqçılar cämğiäte prezidentı itep Ufa däwlät sänğät akademiäse rektorı İşmöxämät Galävetdinovnı täğäyenlädelär. Şuşı qorıltay aldınnan bez İşmöxämät äfände belän söyläşep aldıq. Qorıltayda qatnaşu telägen belderep küp töbäklärdän 300ләп ğariza alındı, di ul.

“Ufadağı “Rossiä xalıqları tarixi yazmışında şärıq” dip isemlängän qorıltayda ğalimnär cide fänni yünäleştä eşläyäçäk, - di İşmöxämät Galävetdinov. - “Şärıq filologiäse”, “Awraziä tarixı buyınça töbäk häm kiñküläm tikşerenülär”, “Şärıq fälsäfäse, xoquqı, psixologiäse häm pedagogikası”, “Şärıqneñ sotsial''-iqtisadi problemaları”, “Şärıq xalıqlarınıñ mädäniäte häm sänğäte”, “Global''läşterüneñ dini aspektları. İslam faktorı”, “Şärıqnı öyränü mäğärife sisteması” dip atalğan temalar buyınça distälärçä ğalimneñ çığışı tıñlanaçaq, “tügäräk östäl” söyläşüläre dä oyıştırılaçaq. Şärqıt häm törkilät buyınça kadrlar äzerläw mäsäläläre xaqında da söyläşü bula”. Çönki Başqortstan öçen dä törki häm farsı törkemenä kergän tellärne belüçelär bik kiräk, di äñgämädäşem.

İşmöxämät Galävetdinov kiläçäktä Başqortstan däwlät universitetında şärqıät fakul''tetın açu da maqsatqa yaraşlı bulır ide, di. Xäzer bu xaqta täğäyen söyläşülär häm qayber äzerlek eşläre alıp barıla da inde. Anda tege yäki bu xalıqnıñ tele genä tügel, ä tarixı, mädäniäte, ğomumän, barlıq bulmışı öyräneler ide.

Bötenrusiä şärqıätçelär cämğiäte prezidentı, Ufa däwlät sänğät akademiäse rektorı İşmöxämät Galävetdinov äytüençä, tatar belän başqortta elektän dä şärıqne häm törkiätne öyrängän ğalimnär baytaq bulğan. Menä şul traditsiäne däwam itü kiräk. Bügenge köndä ölkänräk buın ğalimnär bu yünäleştä eşli eşläwen, läkin kiläçäktä yäş belgeçlärneñ dä artuın telise qala.

İşmöxämät Galävetdinov äytüençä, Ufada 26-27 sentäber könnärendä ütäçäk qorıltayğa ilneñ küp töbäklärennän, şul isäptän Tatarstannan da kürenekle ğalimnär kilä. Qorıltayda qatnaşuçılar böyek mäğrifätçe häm şağir Miftaxetdin Aqmullağa, anıñ isemen yörtüçe Başqortstan däwlät pedagogiä universitetı binası qarşında, tözeläçäk häykälgä nigez taşı salu, akademik Rail Kuzeevqa istälek taqtası açu tantanalarında da qatnaşaçaq. Qunaqlar öçen bay mädäni programma da, Ufanıñ istälekle urınnarına säyäxätlär oyıştıru da qaralğan. Qorıltayda şärqıätçelär cämğiäteneñ yaña prezidentın saylaw da kötelä.

XS
SM
MD
LG