Accessibility links

шимбә, 10 декабрь 2016, Казан вакыты 00:22

Mintimer Şäymiev: “Ber din turında ğına mäğlümat birü ikençe millät balasın kimsetäçäk”


Soñğı waqıtlarda millätara häm dinara wazğiätneñ qatlawlanuı berkemgä dä ser tügel. Monıñ belän bäyle küreneşlär äledän-äle arta bara. Keşelek dönyasında, dinnär arasında konfliktlar bulmasmı. Yäşäyeş qimmätläre yuğalmasım? “Argumentı i faktı” gazetası xäbärçese näq şul sorawlarğa cawap tabarğa teli – Tatarstan Prezidentınnan. Çönki Tatarstan xalıqlarnıñ dustanä mönäsäbättä yäşäwenä, törle din wäkilläreneñ tatu tormış alıp baruında dön'ya külämendä küplärgä ürnäk respublika bulıp tora. Bu härdaim bilgelänep kilä.

Tatarstan Prezidentınıñ pravoslaw mädäniäte nigezlären uqıtuğa qaraşı da küplärneñ iğtibarın cälep itte. “Argumentı i faktı” gazetasında da bu xaqta Mintimer Şäymiev üz fikeren qabat citkerä. Rusiädä 20 million möselman yäşi häm ägär Tatarstan mäktäplärendä bu däresne kertergä sorasalar. Min – yuq dip cawap biräçäkmen. Çönki bezdä ber sıynıfta ğına da berniçä millät balası uqıy. Häm ber din turında ğına mäğlümat birü ikençe millät balasın kimsetäçäk”, - di Mintimer Şäymiev. Mäçet, çirkäw, sinagogalarnıñ yäkşämbe mäktäplärendä belem alu mömkinlege buluın assızıqlıy Tatarstan Prezidentı. Şuña da qaramastan pravoslaw mädäniäte nigezlären kertü däwam itä. 16нчы töbäk bularaq inde Lipetski ölkäsendä bu fänne uqıta başlağannar.

Şul uq waqıtta Mintimer Şäymiev “Argumentı i faktı” gazetasına dinnärneñ berse dä zolımğa öndämi, barı säyäsi köçlär genä anı qaywaqıt üz maqsatlarında qullana dip assızıqlıy.

Şulay uq ul Rusiädä millätara häm dinara nizağlarnı kürmäskä telilär dip belderä. “Millätara häm dinara konfliktlar barlıqqa kilgäç bez alarğa tieşle bäyä birergä qurıqtıq. Häm xäzer dä oyalabız kebek”, - di Mintimer Şäymiev. Millätara nizağlarnıñ kübesen xuliganlıqqa, ekstremizmğa sıltaw bar di ul. Mäskäw sinagogasında bulğan xäl, Rusiä armiäse ofitserı Budanovnıñ çeçen qızın mısqıl itüe, Peterburgta taqırbaşlılarnıñ çit il studentların üterü…. Alarnıñ qayberlären aqlarğa tırışu oçraqları bulmadı tügel bit di Mintimer Şäymiev “Argumentı i faktı” gazetasına.

Şulay uq ul här keşeneñ millätenä häm dinenä qarata bulğan xise küñelendä yata dip assızıqlıy. Dönyada nindi genä global'läşü waqiğaları barsa da, ul xis betmäyäçäk dip bilgeli Mintimer Şäymiev. Misal itep yähüdilärne kiterä. Alar cir şarınıñ törle poçmağında yäşilär. Kübese tellären dä belmi. Şuña da qaramastan bu millät yuğalmıy çönki qannarına señgän di Mintimer Şäymiev.

Şulay uq ul respublika tormışına tuqtalıp, Tatarstan Prezidentı ike, yäğni tatar häm rus telen belergä tieş dip äytä. Şulay uq Tatarstanda törle milli häm dini firkälär oyıştıruğa qarşı buluın assızıqlıy. Miña möselman firkäsen buldıru ideyäse belän kilgännär ide ämma min moña qarşı çıqtım di Mintimer Şäymiev.

Landış Xarrasova

XS
SM
MD
LG