Accessibility links

чәршәмбе, 7 декабрь 2016, Казан вакыты 21:34

Ufada xalıqara arxitektorlar kiñäşmäse ütä


Ufada comğa könne arxitektorlarnıñ xalıqara konferensiäse üz eşen başladı. “Awraziä. T- Ekopolis. Şähärlär tözeleşe häm arxitekturada inovatsiälär” dip atalğan bu kiñäşmä, Başqortstannıñ Rusiägä quşıluına 450 yıl tuluğa bağışlana, dip belderde respublika citäkçeläre.

Xalıqara konferensiägä Yaponiädän, Qıtaydan, Almaniädän, Fransiädän, Qazaqstan, Äzerbaycan Respublikalarınnan, Rusiä töbäklärennän 400гә yaqın wäkil kilde. Başqortstan däwlät Cıyılışı-Qorıltay binasında açılğan bu kiñäşmägä irtän prezident Mortaza Räximov ta kilep kitte. Üzeneñ qotlaw çığışında ul xäzerge zamanda şähärlär tözeleşe, arxitekturadağı yañalıqlar XXI ğasır ruxına täñgäl kilergä tieş dip belderde. Ufadağı kiñäşmägä cıyılğan kürenekle arxitektorlar näq menä şul burıçnı ütäwgä alına da inde.

Mäğlüm buluınça, bıyıl Ufada da bik küp yaña tözeleşlär bara. Alarnıñ barçası da diärlek älege dä bayağı Başqortstannıñ Rusiägä quşıluına 450 yıl tulunı bäyräm itügä äzerlek programmasına yaraşlı başqarıla. Ufadağı qayber tözeleşlärne Yaponiä arxitektorları häm tözüçeläre dä üz östenä aldı. Ufanıñ taw östendä häm berniçä yılğa buyında utıruı alarnıñ icadi mömkinleklären kiñräk açarğa yärdäm itä ikän. Härxäldä, alar üzläre şulay dip belderä.



Ufada arxitektorlarnıñ xalıqara kiñäşmäse şimbä könne dä däwam itäçäk.

XS
SM
MD
LG