Accessibility links

шимбә, 10 декабрь 2016, Казан вакыты 11:55

Aqmulla yubileyına äzerlek tikşerelde


Tatar häm başqort xalıqlarınıñ kürenekle şağire häm mäğrifätçese Miftaxetdin Aqmullanıñ tuuına 175 yıl tulunı tantanalı bilgeläw maqsatında, Başqortstanda oyıştırılğan maxsus komitet üzeneñ çirattağı utırışın ütkärde. Bu yulı anı Başqortstan däwlät pedagogiä universitetında oyıştırdılar. İnde xäbär itelüençä, şuşı yuğarı uqu yortına Miftaxetdin Aqmullanıñ isemen birü turında Başqortstan Xökümäteneñ färmanı bulğan ide. Üktäber ayında Ufada ütäçäk fänni-ğamäli konferensiä barışında pedagogiä universitetına şuşı isemne quşu tuyı da ütäçäk. Bu xaqta universitetnıñ rektorı Rail Äsädullin belderde.

Kiñäşmädä BR Prezidentınıñ «Gumanist şağir häm mäğrifätçe Miftaxetdin Aqmullanıñ tuuına 175 yıl tuluğa äzerlänü turında» dip atalğan färmanı ütäleşe barışı centekle tikşerelde. Kürkäm yubileyğa yaxşılap äzerlänü yünäleşendä eşçe törkem baytaq qına eşlärne başqarğan da inde. Utırışta çığış yasawçılar üzläre cawaplı bulğan çaralarğa äzerlek barışı xaqında xisap tottı.

Bu yubiley uñayınnan baytaq qına mäşäqätlärne Başqortstan däwlät pedagogiä universitetı da üz östenä alaçaq, dip alarnıñ qayberlärenä tuqtalıp ta kittelär. Uqu yortınıñ rektorı Rail Äsädullin äytüençä, biredä Aqmullağa bağışlanğan qayber tantanalar sentäber azağında uq başlanaçaq.

Başqortstan däwlät pedagogiä universitetı rektorı Rail Äsädullin buldı. Miftaxetdin Aqmullanıñ 175 yıllıq yubileyına äzerlekne tikşergän şuşı utırışta äytelüençä, bu tantanalarğa äzerlek tämamlanıp ta kilä inde. Äle şağirneñ tulılandırılğan cıyentıgın çığaru, anıñ surätläre töşerelgän kalendar'lär, plakatlar häm başqa törle basma äsbaplar näşer itü öleşçä tögällängän dä.

Miftaxetdin Aqmullanıñ yubileyın bäyräm itü tantanalarına küp kenä kürşe töbäklärdän, şul isäptän Tatarstannan da qunaqlar çaqırıla.

XS
SM
MD
LG