Accessibility links

сишәмбе, 6 декабрь 2016, Казан вакыты 20:54

"Tuğanlıq" teatrlar festivale däwam itä


Ufada törki telle teatrlarnıñ IV xalıqara festivale däwam itä. Anda törle illärdän häm Rusiä töbäklärennän cämğıse 12 teatr qatnaşa. Comğa könne şuşı festival' qısalarında törki teatr sänğäteneñ ütkäne häm bügengesenä bağışlanğan konferensiä dä bulıp ütte. Anda törki teatrlarnıñ urtaq problemaları da, yañalıqları, tabışları xaqında da süz bardı. Teatrlar belgeçläre, akterlar, rejisserlar qatnaşqan bu cıyın Mostay Kärim isemendäge Başqort milli yäşlär teatrı binasında bardı.

Ä kiçen şuşı uq teatrda “Tuğanlıq” bäyräme qısalarında çirattağı konkurs tamaşası belän bergä zur tantana da. Mäğlüm buluınça, Başqort milli yäşlär teatrına Başqortstannıñ xalıq şağire Mostay Kärimneñ isemen birü xaqında färman çıqqan ide. Bügen menä şul isemne birü tantanası, isem tuyı da ütte yäşlär teatrında. Anda “Tuğanlıq” festivalendä qatnaşuçılarnıñ barsı da çaqırılğan ide. İsem tuyı çaraları betkäç, Milli yäşlär teatrı artistları üzläreneñ festival' programmasına kertelgän spektaklen – Mostay Kärimneñ “Bezneñ öyneñ yäme” poveste nigezendä säxnäläşterelgän tamaşasın da kürsätä.



Teatrlar festivalendä bıyıl Ufa “Nur” tatar däwlät teatrı da qatnaştı. Nurlılar tamaşaçılar xökemenä kiñ bilgele “Ciznäkäy” komediäsen täqdim itte. Ämma “Nur” teatrınıñ bu tamaşası festival'neñ konkursta qatnaşu isemlegenä kertelmägän. Şulay da buluına qaramastan, nurlılar, bu festival'dä qunaq sıyfatında qatnaşuların da, zur däräcä dip isäpli.

Galiäsgar Qamal isemendäge Tatar däwlät akademiä drama teatrı kollektivı “Tuğanlıq” festivalendä 17 sentäber könne çığış yasıy. Törki teatrlar bäygesen yabu tantanası Başqortstan däwlät opera häm balet teatrında 19 sentäberdä oyıştırıla. Fänis Fätxi, Ufa



XS
SM
MD
LG