14 sentäbrdä Peterburg rässamnar berlegeneñ kürgäzmälär zalında üzençälekle ber waqiğa buldı. Tatar milli-mädäni möxtäriäteneñ rässamnar bülege äğzaları berençe kürgäzmälären açtılar. Kürgäzmä bıyıl Tatarstanda iğlan itelgän sänğät häm ädäbiät yılı qısalarında uza. İseme dä "Rässamnar- şağirlärgä." Kürgäzmä açıluğa çığarılğan qataloğnıñ tışında klassiğıbız, Tatarstannıñ atqazanğan sänğät eşleklese, Rusiäneñ atqazanğan rässamı Fayzraxman ağa Äminovnıñ "Şürälese". Anısı da oçraqlı tügel, çönki Fayzraxman ağa, Tatarstannan çittä yäşäsä dä, ğömere buyı Tuqayğa turılıqlı buldı: Tuqay kitaplarına illyüstratsiälär eşläde, kinderdäge äsärläre dä Tuqayğa, anıñ icatına bağışlanğan ide.
Kürgäzmäne açırğa Peterburg Cämiğ mäçeteneñ imam xatibı Cäfir xäzrät Ponçayıv üzeneñ fatixasın birde. "Bügen rässamnar berläşep eşlären kürsätälär, berlektä tereklek. Kürsennär barısı da tatar rässamnarınıñ närsägä sälätle ikänen. Aldağı köndä dä bergä yäşärgä, eşlärgä yazsın" – dide ul.
Kürgäzmä Peterburg tatar sänğäten böten tulılığı belän kürsätä. Biredä törle texnik, törle janr äsärlärenä urın birelgän: yaratqan texnikası litoğrafiä häm aqwarel bulğan Fäyzulla Äminovnıñ peyzaj, natyurmortları, meditätiv-astral grafika texnikında eşläwçe Robert Ğäbitov, Peterburg peyzajı ostası Robert Miftaxetdinov häm başqalarnıñ äsärläre. Sınçılar Vinerä Abdullina belän Radik Şirğälinnıñ icatı da iğtibarğa layıq.
Şunısın da äytergä kiräk, bu kürgäzmä açılu kiçäse, başqa çaralardan ayırılmalı bularaq, tatar häm rus tellärendä, çiratlaşıp, bardı. Ğädättägeçä rus telendä genä tügel. Tuqay. Cälil şiğerläre dä ike teldä dä yañğıradı.
Bu proyekt milli-mädäni möxtäriät häm anıñ citäkçese Räis Maris ulı Yarqayıvnıñ material, ğämäli yärdämennän başqa mömkin bulmas ide, möğayın. Räis äfände Yarqayıv "Kürgäzmä açıluğa bez bik şat. Rässamnar bülege bıyıl oyışqan ide. Möxtäriättä bez başqa icat keşelären dä berläşterergä cıyınabız: artistlar berlege, jurnalistlar berlege" – dide.
Peterburg tatar milli-mädäni möxtäriäte rässamnarınıñ berençe kürgäzmäse 24 sentäbrgä qädär eşläyäçäk. Häm, ışanası kilä, berençe kürgäzmä azaqqısı bulmas.
Gölzadä Kamalova, Peterburg
Kürgäzmäne açırğa Peterburg Cämiğ mäçeteneñ imam xatibı Cäfir xäzrät Ponçayıv üzeneñ fatixasın birde. "Bügen rässamnar berläşep eşlären kürsätälär, berlektä tereklek. Kürsennär barısı da tatar rässamnarınıñ närsägä sälätle ikänen. Aldağı köndä dä bergä yäşärgä, eşlärgä yazsın" – dide ul.
Kürgäzmä Peterburg tatar sänğäten böten tulılığı belän kürsätä. Biredä törle texnik, törle janr äsärlärenä urın birelgän: yaratqan texnikası litoğrafiä häm aqwarel bulğan Fäyzulla Äminovnıñ peyzaj, natyurmortları, meditätiv-astral grafika texnikında eşläwçe Robert Ğäbitov, Peterburg peyzajı ostası Robert Miftaxetdinov häm başqalarnıñ äsärläre. Sınçılar Vinerä Abdullina belän Radik Şirğälinnıñ icatı da iğtibarğa layıq.
Şunısın da äytergä kiräk, bu kürgäzmä açılu kiçäse, başqa çaralardan ayırılmalı bularaq, tatar häm rus tellärendä, çiratlaşıp, bardı. Ğädättägeçä rus telendä genä tügel. Tuqay. Cälil şiğerläre dä ike teldä dä yañğıradı.
Bu proyekt milli-mädäni möxtäriät häm anıñ citäkçese Räis Maris ulı Yarqayıvnıñ material, ğämäli yärdämennän başqa mömkin bulmas ide, möğayın. Räis äfände Yarqayıv "Kürgäzmä açıluğa bez bik şat. Rässamnar bülege bıyıl oyışqan ide. Möxtäriättä bez başqa icat keşelären dä berläşterergä cıyınabız: artistlar berlege, jurnalistlar berlege" – dide.
Peterburg tatar milli-mädäni möxtäriäte rässamnarınıñ berençe kürgäzmäse 24 sentäbrgä qädär eşläyäçäk. Häm, ışanası kilä, berençe kürgäzmä azaqqısı bulmas.
Gölzadä Kamalova, Peterburg
