Accessibility links

җомга, 9 декабрь 2016, Казан вакыты 01:12

Omskida tatar-başqort mädäniäte könnäre


Bu könnärdä Omskida tatar-başqort mädäniäte könnäre bara. Çara gubernator programması buyınça VII milli mädäniätlär festivale “Yedinenie” qısalarında ütkärelä häm anıñ töp oyıştıruçıları bulıp ölkä Mädäniät Ministrlığı belän “Seber” töbäk-ara milli-mädäni sport berläşmäse yäğni Duslıq Yortı tora. Mädäniät könnäre qısalarında qaralğan çaralarnıñ küpçelege şähärneñ tatar oyışmaları köçe häm tırışlığı belän äzerlände.

14 sentäberdä ölkäneñ Kraynı öyränü muzeyında mädäniät könnären açu serremoniäse bulıp uzdı. Anda asılda tatar oyışmalarınıñ aktiv äğzaları, “Umırzaya” häm “Ömet” üzeşçän sänğät kollektivlarına yörüçelär kilgän idelär. Räsmi dairälärdän Mädäniät Ministrlığınıñ dini häm milli säyäsät eşläre buyınça bülek mödire Lyudmila Çekalina, Duslıq Yortı direktorı Natal''ya Stepanova buldılar häm berençe süz dä alarğa birelde.

Lyudmila Çekalina üzeneñ çığışın täbrikläwdän başladı, annan soñ bu çaranıñ ölkädä yäşäwçe törle millät xalıqları arasında tolerantlıq häm duslıq mönäsäbätlären saqlawda ähämiäte zur buluın assızıqladı, mädäniät könnäreneñ programması belän dä tanıştırıp ütte.

Programmada Musa Cälil häm Ğabdulla Tuqaynıñ icatlarına bağışlanğan ädäbi-muzıkal'' kiçälär häm “Yaña yoldız” dip isemlängän balalar cır konkursı ütkärü, Omskinıñ tatar üzeşçän sänğät kollektivlarınıñ xäyriä konsertı belän balalar yortına baruları, ölkädä eşläp kilüçe barlıq tatar kollektivlarınıñ ğomumi çığışları kebek çaralar qaralğan. Programmağa “Üzeşçän sänğät kollektivlarınıñ ostalıqların üsterü” teması buyınça seminar ütkärü dä kertelgän. Seminar häm cır bäygeseneñ yomğaqlaw konsertı Tara şähärendä ütäçäk.

Mädäniät könnären açu serremoniäse barışında cıyılğan xalıqnı muzeydağı tatar tarixına qağılğan eksponatlar belän tanıştırdılar. Soñınnan telägän keşe muzeynıñ başqa eksponatları belän dä tanışa aldı.

Tatar-başqort mädäniäte könnären açu serremoniäse “Umırzaya” häm “Ömet” kollektivlarınıñ çığışları belän bizälep bardı.

Mädäniät könnäre qısalarında qaralğan berençe çara – Musa Cälil icatına bağışlanğan kiçä şimbä könne Duslıq yortında ütte. Şul uq könne anda balalar cır konkursınıñ berençe turı da buldı. Konkursta 5 yäştän 10 yäşkäçä asılda “Ömet” törkemenä yörüçe 12 bala qatnaştı. Alarnıñ öçese Tara da ütäçäk yomğaqlaw turına saylap alındı.

Omski uqıtuçılarına Prezident büläge

Mäğlüm bulğança Rusiäneñ 10 meñ uqıtuçı bıyıl prezident bülägenä layıq buldı. Omskidan bu büläk 161 uqıtuçığa birelde. İnde mondıy bäxetkä ireşüçelärneñ isemnäre dä mäğlümat çaraları aşa kiñ cämäğätçelekkä citkerelde. Alarnıñ ikese bezneñ millättäşlärebez: şähärneñ 13 sanlı mäktäbeneñ rus tele häm ädäbiäte uqıtuçısı Zöhrä Sağiyt qızı Zäynetdinova häm 75 gimnaziäneñ fizika uqıtuçısı Rämilä Räşit qızı Sabirova.

Zöhrä Zäynetdinova belän tıñlawçıları da berniqädär tanışlar. Zöhrä xanımnıñ küpmillätle balalar uqığan mäktäptä eşläwe, uquçıları arasında milli tärbiä alıp baruı, mäktäptä törle milli çaralar – festival''lär, konkurslar oyıştıruı turında “Azatlıq”ta söylägän idek. Rämilä Sabirovağa kilgändä, ul Omskinıñ Klassik universitetınıñ fizika fakul''tetın tämamlağan, 13 yıl uqıtuçı bulıp eşli. 2002 yılda “Uçitel'' ğoda Rossii” konkursında ciñügä ireşkän. “Rusiä prezidentı bülägenä ireşüemdä alla yärdäm itkänder,”-di Rämilä. Ul änise kebek ük Omskida tuıp üskän, ätise Tatarstannan. “Berençe çiratta bez möselmannar, äniem namazlar uqıy, mäçetkä dä yörilär, dinne beläbez häm saqlıybız,”- di uqıtuı qız. Öydä tatar telendä aralaşabız, rus tele dä qatnaşa inde, zamana bit, dip yäşibez,”- ul

Rozaliä Sayganova, Omski

XS
SM
MD
LG