İran üzeneñ atom programması tiräsendä tuğan nizağnı tınıç yul belän çişärgä mömkin dip sanıy. Bu xaqta Xalıqara atom idaräseneñ 50 yıllığına bağışlanğan cıyılışta İrannıñ vitse-prezidentı Ğolämriza Ağazadä äytte. Atom idaräse başlığı Möxämmäd Äl-Baradey da, berniçä tapqır kiçekterelügä qaramastan, İran häm Evropa Berlegeneñ söyläşüläre başlanaçağına ışanıç belderä. Bu cıyında İran probleması tikşerelä. Tähran BMO İminlek şurası rezolutsiasenä qolaq salmadı. Bu doqumentqa kürä, İran urannı bayıtu eşlären tuqtatmasa, aña xalıqara çikläwlär kertelü qaralğan.
