Accessibility links

шимбә, 10 декабрь 2016, Казан вакыты 00:17

Tatarstan Diniä Näzaräte utırışında möselman uqu yortları turında söyläştelär


Utırışta Tatarstan möselmannarı Diniä Näzaräte räise Ğosman xäzrät İsxaqi respublika Prezidentı Mintimer Şäymiev häm ber törkem Tatarstan citäkçelärneñ bıyıl mart ayında 3 möselman ilenä yasağan eşlekle säfären zur waqiğa dip bilgeläp uzdı. Tatarstannıñ İslam illäre belän elemtäläre nığı. Täcribä urtaqlaşular arta. Respublikada çığarıla torğan xäläl rizıqlar da monıñ ber misalı. Çönki utırış aldınnan, möftiättä xäläl qazılıqlar, konfet-peçenyelarnı tatıp qaraw oyıştırılğan ide. Anda xätta Yoşкar-Oladan kilgän wäkillär dä üz rizıqların täqdim itte.

Utırış monnan ber ay elek uzarğa tieş bulsa da, Ramazan ayına äzerlek mä’säläläre xäl itelep betmäw säbäple ul soñraqqa küçerelgän. Plenum-utırışta da süz kübräk Ramazan ayı, xac qılu turında bulaçaq dielde. Jurnalistlarğa isä utırışnıñ başında ğına bulırğa röxsät itelde. Şul säbäple “Azatlıq” radiosı xäbärçese plenum tämamlanğannan soñ näticälären sorap Tatarstan möselmannarı Diniä Näzaräte urınbasarı Wäliulla xäzrät Yaqub

Bez bügen oyıştıru mäs’älälären qaradıq. Berençe çiratta 15 keşedän torğan prezidium bilgelände. Annan 6 töbäk qazıyı saylandı.

Wäliulla xäzrät Yaqub belderüençä, utırışta İslam mäğärifen üsterü turında da süz bulğan. Rusiä İslam universitetı dönyawi uqu yortı bulıp üzgärtelgännän soñ yaña uqu yortları buldıru ixtıacı tuğan. Wäliulla xäzrät Yaqub

Bügen bez Mamadışta möselman mädräsäsen açu, Qazanda Qor’än xafizların äzerläw üzägen buldıru häm Çallıda urta hönäri dini belem birü uçrejdeniesen açu turındağı qararğa kildek.

Wäliulla xäzrät belderüençä, xäzer iñ berençe burıçlarnıñ berse bulıp Ramazan ayına äzerlek tora. Plenumda Ramazan ayı bıyıl 24 sentäber, yäğni yäkşämbe könne başlanıp kitäçäk dielde. Häm 22 oktäberdä tögällänäçäk.

Xacğa baruda da yañalıqlar bar. Berençedän, bäyälär artqan. Ägär uzğan yıl 60 meñ bulsa, bıyıl 5 meñgä kübräk, yäğni 65 meñgä töşäçäk. Bu berençe çiratta Xacğa kilüçelärneñ iminlegen arttıru öçen başqarılaçaq eşlär belän bäyle ikän. Şulay uq bıyıl Qazannan Xacğa avtobuslarda baru oyıştırılmayaçaq.

Keçe yäğni ğumra Xacına respublikadan 50гә yaqın keşe barırğa teläk beldergän. Alar inde berniçä könnän yulğa quzğalaçaqlar.

Anıñ bäyäse 34-35 meñnän başlana.

Landış Xarrasova

XS
SM
MD
LG