Accessibility links

пәнҗешәмбе, 8 декабрь 2016, Казан вакыты 17:14

“Şağir mäxäbbäte” - tatar operası premyerası Qazanda 18-19 noyäberdä quyılaçaq


Sişämbe könne M Cälil isemendäge opera häm balet teatrında “Şağir mäxäbbäte” isemle tatar operasın komissiä äğzalarına kürsättelär. M. Cälil teatrı kollektivı çit ilgä gastrol'gä kitü säbäple, spektakl'neñ premyera köne 18 noyäbergä bilgelände.

Tatar operası turında süz çıqsa, bäxäs tua . Kiräkme bezgä opera , ällä yuqmı? Qayberläre ällä bezgä konsertlar, muzıkal' dramalar häm komediä spektakl'läre belän genä çiklänsäktä yararmı?- dilär.

Ä professional' kompozitorlar, şağirlär häm sänğät'kärlär bu janrnı üsterü östendä küp köç salalar.

Sişämbe könne Musa Cälil teatrı kollektivı, alda äytep kitelüençä, “Şağir mäxäbbäte” dip atalğan tatar operasın komissiä äğzalarına tapşırdı.

Bu tatar operasınıñ muzıkası, şağir Renat Xaris librettosına, kompozitor Rezeda Äxiärova tarafınnan yazılğan. Rezeda Äxiärovanıñ muzıkası, cırları törle cirlärdä yäşäwçe tatarlar tarafınnan da bik cılı qabul itelä.

Kompozitor Rezeda Axiärova Azatlıq radiosına Tuqay turındağı tatar operasınıñ niçek yazıluı turında menä närsä söyläde:

“ Opera ciñel yazıldı, ämma yaza başlaw protsessı ozağraqqa suzıldı. Çönki min böten xalıqqa añlayışlı muzıka yazarğa tırıştım . Şunıñ öçen opera telen, anıñ stilen saylaw minem öçen bik möhim ide , şunıñ öçen beraz waqıt kiräk buldı. Annan soñ opera bik ciñel yazıldı. Bu Tuqay turındağı şiğri libretto tekstı Renat Xarisov tarafınnan bik ğadi itep, matur häm obrazlı itep yazılğan ide. Anıñ belän bik küp eşlär eşlägän bar. Anıñ stile bik küñelgä yatışlı. Min anı başta üzem aşa ütkärdem. Geroylar dönyasına çumdım. Tuqaynıñ eçke dönyası, anıñ şiğriäte, anıñ nindi keşe buluı turında yazarğa tırıştıq . Anıñ Su anası, Şürälese, anı söygän yäş qızı Zäytünä, Tuqaynıñ dustı Fatix Ämirxan, şulay itep monda real' personajlar da, şağirneñ üze uylap tapqan personajları da bar ”, - dide ul.

Operanıñ rejisserı Mixail Ponjavidze.Spektakl'neñ anıñ tarafınnan niçek säxnäläşterelüe turında Rezeda Äxiärova bolay dide:

“ Rejisser tarafınnan bik zur yañalıq kertelgän: teatrda nindi yaña , zamança texnologiälär bar , şularnı kertep säxnäläştergän. Komissiä äğzaları tarafınnan rejisserlıq mizgellären açıqlarğa digän täqdimnär buldı.. Aları inde teatr gastrol'dän qaytqaç, eşläp tämamlanır. Ä min ğomumän , ğomergä dä operağa yörmägän, ğadi xalıq kilüen bik telär idem” dide ul .

Operanıñ töp partiälären başqaruçıları: Tuqay partiäsen-Äxmät Ağadi häm yäş cırçı İlham Väliev. Äxmät Ağadi ul tamaşaçığa “Altın çäç” häm “Bogema” spektakl'läre aşa tanış artist. Ul S- Peterburnıñ Mariinski teatr solistı. Anıñ änise tatar buluı mäğlüm. Ä İlham Väliev tamaşaçığa Ufa opera teatrı solistı bularaq bilgele. Zäytünä rolen Venera Ğaniewa belän Liliä Ğöbäydullina başqaralar.

Musa Cälil teatrı kollektivı bügenge köndä gastrol'gä Gollandiägä kitä. Alar anda Motsartnıñ “Don Juan” operasın quyaçaqlar.

Ä “Şağir mäxäbbäte” operasın tamaşaçı M Cälil teatrında 18-19 noyäberdä tıñlıy alaçaq.

Mälikä Basıyr

XS
SM
MD
LG