Accessibility links

Кайнар хәбәр

“Tuğanlıq” festivale tämam


Törki xalıqlar teatrlarınıñ xalıqara festiwale tämamlandı. Festiwälne yabu tantanasına Rusiäneñ federäl mädäniät häm kinemätoğrafiä ağentlığı başı Mixail Şvıdkoy kilergä tieş bulsa da, ul kilmäde.

Çaranı yabu tantanasında töp çığışlarnıñ bersen respubliknıñ vitse-premerı, mädäniät häm milli säyäsät ministrı İldus İleşev yasadı. Ul Rusiä tarixi törki däwlät dide häm bu çara mädäni buludan ğayre, säyäsi dä dide. Şvıdkoynıñ Ufağa kilmäwen räsmi bulmağan çığanaqlar ilneñ töp “mädäniätçese”neñ törki xalıqlarğa mönäsäbäte belän añlata.

Festiwäldä töp büläklärne başqort teatrları aldı. Festivaldäge iñ yaxşı spektäkl Mäcit Ğafurıy isemendäge Başqort aqädemiä drama teatrı tamaşası, iñ yaxşı rejisser şul uq teatrnıñ recisserı Ayrat Abuşaxmanov, iñ yaxşı ir-at başqaruçı şulay uq şuşı uq teatr artistı Xörmät Ütäşev dip tabıldı. Tağı ike tör yarışta başqort teatrları ciñü yawladı.
XS
SM
MD
LG