Accessibility links

сишәмбе, 6 декабрь 2016, Казан вакыты 13:16

İke atnadan Tailandta yaña premyer ministr bilgelänäçäk


Tailandnıñ xärbi citäkçese general Sonti Bunyaratglin 2 atnadan xakimiätne bilgelänep quyılaçaq premyer ministrğa tapşıraçağın, ber yıldan ildä demokratiä torğızılaçağın belderde. Premyer ministr Taksin Şinawatranı kiçä xakimiättän çitläştergännän soñ bügen Sonti berençe märtäbä matbuğat oçraşuı üktärep bu tüntäreleşkä patşa Bumibul Abulyadicnıñ ber qatnaşı da yuq dip belderde. "İlneñ eçse problemaları bezne bu adımğa barırğa mäcbür itte. Ägär bez xäzer berni dä eşlämägän bulsaq, wäzğiät tağın da naçarayır ide, tağın da kübräk problemalar bulır ide" dide Sonti. Anıñ äytüençä, 2 atna eçendä waqıtlı konstitutsiä äzerlänäçäk, ul çor eçendä yaña milli cıyın oyıştırılaçaq. Soñraq televidenie aşa uqılğan belderüdä patşanıñ Sontinı yaña idarä şurası başlığı dip bilgeläwe iğlan itelde.

XS
SM
MD
LG