Accessibility links

дүшәмбе, 5 декабрь 2016, Казан вакыты 21:45

Tatar belän çuaşnı närsä bäyli?


Rusiädä cirle, yäğni töbäk ensiklopediäse berençe bulıp Başqortstanda çıqtı. Annan Tatarstanda. Rus bulmağan xalıqlar öçen bu qazanış buldı. Xäzer inde küp kenä milli xalıqlarnıñ üz ensiklopediäläre barlıqqa kilä. Mondıy yunäleştäge berençe konferensiä bulğanlıqtan kübese Qazanğa täcribä urtaqlaşırğa kilgän. Ufadan “Başqort ensiklopediäse” fänni näşriäte direktorı Uil'dan Säitov

Bez berençelärdän bularaq ensiklopediä çığardıq. Monda küp töbäklärdän wäkillär kilde häm bez fikerlär belän urtaqlaşabız.

Uil'dan Säitov konferensiädä Başqortstannıñ qısqaça ensiklopediäse diskın täqdim itep kübesen ğäcäpländerde. Ğomumän, kürşe respublikada eşlär könläşerlek bara. Äye şul, Başqortstanda 90нчы yıllar başında uq inde ensiklopediä buldıru östendä eş alıp barsalar, Tatarstanda 97 yılda äle ensiklopediä institutın açu turındağı qarar ğına çıqtı äle. Annan nihayät Tatar ensiklopediäse dönya kürde. Ämma bügen anıñ zaman belän atlawı taläp itelä. Tatarstan Premyer ministrı urınbasarı – mädäniät ministrı Zilä Wälieva Tatar ensiklopediäseneñ elektron variantın buldıru zarur dip äytte. Ul berençe çiratta qızıqlı häm şul uq waqıtta reklamalı da bulırğa tieş. Çönki xäzer Tatarstanda turistlıq tarmağın üsterü buyınça eşlär alıp barılğanda bu zur etärgeç bula ala. Mäskäwdän kilgän qunaq Zur Rusiä ensiklopediäse fänni näşriäte xezmätkäre Ol'ğa Kabitskaya töbäktäge ensiklopediälär bügenge zaman taläplärenä cawap birep betermi dip assızıqladı.

Ol'ğa Kabitskaya Zur Rusiä ensiklopediäse öçen töbäktäge ayırım keşelärgä maxsus eşlär birep tä eşlätäbez dide. Şul uq waqıtta töbäk ensiklopediälären dä qullanuların äytte. Tatar ensiklopediäse institutı direktorı urınbasarı Ğomär Sabircanov isä Mäskäw wäkileneñ konferensiädä qatnaşuın bolay dip añlattı. Ğomär Sabircanov

Rusiä ensiklopediäsendä üz problemaları. Sovetlar Soyuzı tarqalıp yaña ideologiä barlıqqa kilgäç tä, şul qädär zur imperiäneñ tarixın çağıldıru öçen küp analitik eş alıp barırğa kiräk.Zur Rusiä ensiklopediäse wäkileneñ qatnaşuı da şunlıqtan.

Konferensiädä törle töbäktäge ensiklopediä buldıruçılar döres tarixnı bilgeläwdä bergäläp eşläp, obyektiv mäğlümat tuplarğa tieş dielde. Ğömär Sabircanov

Bezneñ urtaq miras problemaları küp – tatar-başqort arasında. Mäsälän Qol-Ğali tatarlarğa ğına qaramağan, anı başqortlar da, çuaşlar da üzeneke dip sanıy. Bälki Urta Aziälelär dä şulay sanıydır. Şunıñ öçen monda yaña tarixi traditsiälär tuıp bara.

Ğömär Sabircanov başqa töbäk ensiklopediälärennän dä tatarlar turında yazılğan mäğlümatlarnı küzätep barabız dide. Şulay uq tarixta yaña bitlär dä açıla ikän. Ğömär Sabircanov

Çuaş tarixın öyränüdä qızıq äyber bara. 20 yıl elek çuaşlar tatarlar belän bernindi urtaqlıq yuq disä, xäzerge tarixçılar yaña faktlarğa tayanıp monıñ kiresen isbatlıy.

Tatar ensiklopediäse institutı direktorı urınbasarı Ğömär Sabircanov fikerlären işettegez. Konferensiä comğa könne üz eşen däwam itäçäk.

Landış Xarrasova

XS
SM
MD
LG