Accessibility links

шимбә, 10 декабрь 2016, Казан вакыты 06:01

Xäter könenä bağışlanğan piket ütte


Tatarstannıñ bäysezlege turındağı şiğar'lärne kütärep milli cämäğätçelek wäkilläre eşkä aşıqqan xalıqnıñ iğtibarın cälep itärgä tırıştı. Ämma piketçılar yanında xalıq cıyılmadı. Uzıp baruçı qayber tatarlar alarğa räxmät süzlären äyttelär, ä küpçelek xalıq bitaraf qına üz yulı belän atladı. Urıslar isä ber şiğar'gä iğtibar itmi kitä almadı. “Mäktäplärdä pravoslau däreslären kertü ul möselman balaların köçläp çuqındıru” dip yazılğan ide anda. Urıs keşeläre piketçılarnı millät ara ızğış tudıruda ğayıplärgä aşıqtılar. Piketçılar isä mondıy nizağnı pravoslau dinen genä uqıtırğa tırışuçılar çığara dip cawap birdelär.

Qazannıñ Nurulla mäçete yanında uzğan älege piket isä yaqınlaşıp kilüçe Xäter könenä bağışlandı. M.Mölekov isemendäge Bötentatar ictimaği üzägeneñ räise Yunıs Kamaletdinov söyli:

Piketnıñ maqsatı - Xäter könenä äzerlek. Ber genä piket belän çiklänep qalmıybız, monnan tış tağın ütkäräçäkbez. Häm matbuğat oçraşuı da bulaçaq. Bügenge piketta bez Tatarstan citäkçelegenä atap yazılğan möräcäğätlärne taratabız. Anda ike mäs'älä quyılğan - Xäter könen yal köne itep iğlan itü kiräklege xaqında häm Qazannı yaqlawda qatnaşqan ata-babalarıbızğa häykäl quyu.

Milli cämäğätçelek wäkilläre tatarlarnıñ bügen dä kimsetelep yäşäwenä, millätneñ betä baruına borçıluın belderdelär. Tatar ictimaği üzägeneñ aktivistı Ğarişwän äfände söyli:

Bezneñ küz aldında millätebez yuqqa çığa.Ä şul uq waqıtta bezneñ citäkçelär atta çaba, maşinalarda qua. Tatar xalqı, anıñ mädäniäte öçen berni eşlänmi. Küz aldında tatar mäktäpläre beterelä, tatar telendä çığuçı tapşırular beterelä. Ämma monı kürmämeşkä salışıp citäkçelär bez alğa barabız, çäçäk atabız dip qıçqıra!

Xäter köne ğädättägeçä 15 oktäberdä irtänge 10da İrek mäydanında ütkäreläçäk.

Al'bina Zäynulla

XS
SM
MD
LG