Accessibility links

чәршәмбе, 7 декабрь 2016, Казан вакыты 17:30

Açıq mikrofon: Sezneñ uyın avtomatlarına mönäsäbätegez nindi?


“Bez alarğa qarşı da bit, läkin kem tıñlıy soñ bezne?!”Bu Qazan uramında olı yäştäge apanıñ “Azatlıq”nıñ açıq mikrofonına äytkän süzläre ide. Açıq mikrofonda soraw:“Şähär uramnarındağı uyın avtomatlarına ciñel genä qarap kitä alasızmı?”- digän mäğnädä yañğıradı. Başqala xalqı mondıyraq cawaplar birde: -

Ul uyın avtomatları arqasında küpme ğailä aç-yalanğaç qaldı. İr-atlar eş xaqı alalar da şul şaytan uyınçıqlarına kerep çumıp, böten aqçaların qaldırıp qaytalar. Ä bu waqıtta ğailäse anı aqça alıp qaytır, aşarğa, kienergä alırbız dip kötep yata. Ğomumän, şähärdän yıraqqa ozatırğa, yuqqa çığarırğa kiräk ul şaytan uyınçıqların. -

Uqıtuçı bularaq studentlarnıñ, ayıruça awıldan kilep uquçılarnıñ uyın avtomatları belän mawığuların beläm. Şular belän mawığıp ber student bıyıl uqudan quıla yazdı, ikençese quıldı da inde. Menä küpme bälä şul avtomatlar arqasında. Yuqqa çığarırğa, bötenläy beterergä kiräk alarnı. Din buyınça da zur gönah çığanağı bit äle alar. -

Mina alar qomaçawlıq itmilär. Uyın avtomatların beterergä kiräk dip äytmäs idem. Däwlätkä aqça kilä, xalıq yöri birä. Näq çit ildäge kebek. Min bit uynamıym, minem aqça betmi. Uynağan keşe uynasın şunda, annan bit mina bernindi zıyan yuq. -

Kiräkle äyber öçen digän aqçaların şul şaytan tayağına tıqmasalar ide. Monı eşlämäsennär öçen alarnı beterergä kiräk. Annan studentlar da, başqa xalıq ta äybät, matur yäşärlär ide. Röstäm İsxaqi

XS
SM
MD
LG