Accessibility links

пәнҗешәмбе, 8 декабрь 2016, Казан вакыты 05:20

Rawil Moratov eşkä irtänge cidedä yörergä boyırıq birde


Tatarstan prezidentı yalda. Ul Törkiäneñ Antaliä töbägendä. Şuña bäyle räweştä, Tatarstanda däwlät däräcäsendä säyäsi waqiğalar ällä ni küzätelmi. Prezident yalda dip anısı tormış ta tuqtap tormıy. Respublikanıñ berençe vitse-premyerı Rawil Moratov mäsälän, comğada Tatarstan terkäw palatasında ubldı. Bu däwlät terkäw palatası tiräsendä wäzğıät inde berniçä ay kön qadağınnan töşmi. Elek ul başqa ber binada, Qazan üzägendä ide. Qısan, keşelär çiratta könnär buyı torğanğa, anı Teplokontrol' binasına küçerdelär. Şäymiev üzeneñ yıllıq yullamasında, älege terkäw palatasınıñ citäkçesen bastırıp eläkterep tä iğlan ide. Annan soñ, Şäymiev üze dä bu yaña binağa barıp, wäzğıätne öyränep qayttı. Ä Rawil Moratov isä monnan un kön ber märtäbä terkäw palatasına bardı. Şunda ul çirat-miratlarnıñ äle betmägänen kürgäç, binada uq, eşen ciñeläytü öçen qayber ministralıqlar qatnaşında ber ştab buldırırğa kiräk digän ide. Ä bu ştabta eşläwçelär eşkä ğädätlängänçä irtänge tuğızda tügel, ä cidedä ük yörergä tieşlär dip quştı. Comğada isä un kön elek birgän qararın tikşerergä bardı.

Räfis Cämdixan

XS
SM
MD
LG