Accessibility links

шимбә, 10 декабрь 2016, Казан вакыты 23:40

Frantsiädä öçyaqlı sammit ütte


Rusiä, Fransiä häm Germaniä citäkçeläre qatnaşlığında öçyaqlı sammit däwam itä. Vladimir Putin, Jacques Chirac häm Angela Merkel oçraşuında töp iğtibar energetika, İran atom programması, Yaqın Könçığıştağı xällärgä birelä. Vladimir Putin oçraşudan soñ yasağan çığışında, Rusiä öçen, Fransiä häm Germaniä belän energiä häm sänäğät ölkäsendäge xezmättäşlek itü bik möhim dip äyttte. Matbuğat oçraşuında Vladimir Putin Rusiä, öç citäkçe aviatsiä häm transport ölkäsendä xezmättäşlek xaqında da söyläşüen xäbär itte. Bügen Fransiä belän Rusiä arasında transport häm aviatsiä ölkäsendä 10 milliard dollar külämendäge kileşülär imzalanda, dip belderde. Vladimri Putin şulay uq Rusiä häm Fransiäneñ xalıqara mäsälörgä qaraşları oxşaş dide. Sammitta tikşerelgän temalarnıñ berse - İran atom programması. Jacques Chirac bu xaqta: “ Min äytergä telägän idem, häm bez bu mäsälädä berdäm dip uylyım, mäsäläne söyläşülär yulı belän xäl itü öçen bar närsäne eşläräg kiräk. Bu bit iñ yaxşı ısul. Min, Iran belän söyläşülärneñ näticäsenä qarata optimistik qaraşta toram”, - dide.

XS
SM
MD
LG