Accessibility links

якшәмбе, 4 декабрь 2016, Казан вакыты 15:21

Qazan wäkillären Başqortstan tatar yäşläre könnärendä närsä ğäcäpländergän?


Qazannan Başqortstan tatar yäşläre könnärendä barlığı 6 keşe qatnaştı. Bu – Tatar yäşläre forumı Byurosı wäkilläre, jurnalistlar häm Qıtaydan kilep Qazan yuğarı uqu yortında belem aluçı ike yäş millättäşebez. Anda qatnaşqan jurnalist Liliä Ğädelşina “Azatlıq” radiosı xäbärçesenä Başqortstanda yäşämäwemä söyenep, andağı millättäşlärebezne qızğanıp qayttım dip söyläde. Ul älege çara küp närsägä küzne açarğa yärdäm itte di. Liliä Ğädelşina

Andağı zamança wäzğıättä çittä kilgän keşegä şul sizelä – yäşlär üz milläten belmäsennär dip yäşilär kebek. Şuña kürä cıyıla alu, qunaqlarnı çaqıra alu zur ähämiätkä iä. Çönki kilgän keşelär kürep kitälär andağı wäzğıätne.

Qazannan tış tatar yäşläre Samara häm Zaporoj'yedan da kilgännär. Başqortstandağı Tatar yäşläre könnäreneñ tantanalı açılışı “Nur” teatrında uzarğa tieş bulsa da, ul yäşlär komitetında ğına oyıştırılğan. Kiçen Tatar yäşläre könnäre uza torğan urınnan berkem çıqmasın öçen bikläp quyılğan. Här çarada Başqorstan xakimiäte wäkilläreneñ küzätep yörgän. Xätta alar Qazan qunaqları alıp kilgän gäzit-kitaplarınıñ nindi eçtälektä buluın tikşergännär. Liliä Ğädelşina

Bez konferensiägä kerer aldınnan Qazannan alıp kilgän kitaplarnı yäşlärgä birmäkçe idek. Xökümät wäkilläre kürgäç kire avtobuslarğa kertterdelär, konferensiädä birersez dip. Annarı qararğa totındılar. Unğa yaqın tarixi kitapnı uqırğa dip aldılar.

Başqortstan Tatar yäşläre könnäre qısalarında barı matur, yäğni al da göl digän çığışlar ğına yañğırağan. Programmalarda millät yazmışı turındağı söyläşülär bula dip bilgelänsä dä, alar yäşlärgä tärbiä birü mäs’äläsenä genä qaytıp qalğan. Mäçettä bulğan waqiğa monı turıdan-turı kürsätkän. Liliä Ğädelşina

Qunaqlarnı häm delegatlarnı “İxlas” mäçetenä alıp bardılar. Alarnı Möxämmät xäzrät Ğällämov sälämläde. Ul wäğäz uqıdı millät häm din turında. Şunda sez tatarnıñ kiläçäge dip äytä başlıy da xakimiät wäkilläre barlığın kürep: “Menä bezdä zur waqiğa Başqortstannıñ Rusiägä quşıluına 450ел”, - dip süzne ikençegä bora.

Başqortstannıñ “Azatlıq” tatar yäşläre Berlege isä xakimiät birgän binada utıru, Xökümät yärdämendä böten çaralarnı uzdıru säbäple ä gä cä dip torırğa ğına mäcbür. “Bezneñ oyışmanı yabıp quyu ul Başqortstan xakimiätenä faydalı ğına bulaçaq”, - di alar

“Azatlıq” yäşlär Berlege yäşlär komitetı belän şaqtıy dustanä mönäsäbättä eşli ikän. Anıñ citäkçese çın başqort keşese bulsa da, Başqortstandağı üzen başqort dip tanıtqan tatar türälärenä qarağanda älege oyışmağa kübräk yärdäm itä ikän.

Landış Xarrasova.

XS
SM
MD
LG