Oçraşu papanıñ Rim çitendäge cäyge utırmasında ütte. Anda 22 möselman ileneñ Vaticandağı wäkilläre çaqırılğan ide. Oçraşunıñ möselmannar öçen izge Ramazan ayı başına bilgelänüe dä papanıñ İslamğa qarata ixtiramın assızıqlarğa tieş ide bulsa kiräk. Bu turıda ul çığışınıñ başında uq äytte:
"Forsattan faydalanıp, min bügen bar möselmannarğa iñ tirän ixtiramımnı qabat belderäsem kilä" di Benedict XVI.
İke atna elek papa möselmannarğa qarata mönäsäbäten zur şik astına quyğan ide. Sintänberneñ 12sendä Regensburg universitetında yasağan çığışında ul urta ğasır padişahınıñ İslam turında äytkän süzlären qabatlap möselmannarnıñ xislären räncetkän ide. XIV ğasır Vizantia padişahı Manuel Palaeologus bolay digän bulğan: "Möxämmät päyğämbär nindi yañalıq alıp kilde soñ, kürsätegez miña, fäqät yawızlıq häm keşesezlek tabarsız, häm dä üz dinen qılıç belän taratu färmannarın."
Bu süzlärne Möselmannar räncetü dip qabul itte, dönyanıñ berniçä ilendä protest çaraları ütte. Papa, mine döres añlamağannar, bu minem şäxsi qaraş tügel, barı tik sitat qına, dip añlatma birsä dä, möselmannar anı ğafu ütenergä taläp itte.
Rusiäneñ Mäftilär Şurası räise Rawl xäzrät Ğäynetdin uzğan atna radiobızğa birgän äñgämäsendä bolay digän ide:
"Qänäğätländek disäk tä bula, çönki Benedict XVI bu minem fikerem häm katolik çirkäwe pozitsiäse tügel dip añlattı. Bälki ul monı üzeneñ xezmäte belän kiläçäktä tağın da tanıtır, İslamğa häm möselmannarğa xörmäten ğämäldä küräster. Ämmä, bu äle yañğıraş tabar, Benedict XVIğa küp märtäbä İslam illärendä bulğanda, möselman oyışmaları belän oçraşqanda üzeneñ İslamğa mönäsäbäten äytep aqlanırğa turı kiler dip uylıym" dide Rawil xäzrät Ğäynetdin.
Düşämbedä möselman illäre wäkilläre belän oçraşuında Benedict XVI, elekke papanıñ İslam dönyası belän mönäsäbätlär qoru eşen däwam itäçägen belderde:
"Min xristiannar belän möselmannar arasında ixtiram wä ışanıçqa nigezlängän ozaq yıllar däwam itkän mönäsäbätlärneñ alğa taba da däwam itüen, alay ğına tügel, dinnärebez arasında uratqlıqlarğa quanu, ayırmalarğa ixtiram, añlaşu nigezendä tağı da täräqqi itüen telim" di Benedict XVI.
Berük waqıtta ul möselmannarnı da şundıy uq mönäsäbätkä çaqırdı. Qayber möselman illärendä, äytik Söğüd Ğäräpstanında, başqa din totuçıalarnıñ ğibädätlären irken qıla almawına Vatican borçılu belderä. Benedict XVI şulay uq, keşe ğömereneñ qimmäten añlatu - ruxanilarnıñ burıçı, digän süzlär äytte. Monısı, küräseñ, intihar höcümçelärne istä totıptır.
Alay da bügenge oçraşu äñgämä räweşendä ütmäde, anda papa üze genä säyläde. Oşraşuda şul isäptän, Törkiä wäkile dä bar ide. Noyäber ayında Benedict XVInıñ Törkiägä baruı qaralğan.
Ali Ğilmi
"Forsattan faydalanıp, min bügen bar möselmannarğa iñ tirän ixtiramımnı qabat belderäsem kilä" di Benedict XVI.
İke atna elek papa möselmannarğa qarata mönäsäbäten zur şik astına quyğan ide. Sintänberneñ 12sendä Regensburg universitetında yasağan çığışında ul urta ğasır padişahınıñ İslam turında äytkän süzlären qabatlap möselmannarnıñ xislären räncetkän ide. XIV ğasır Vizantia padişahı Manuel Palaeologus bolay digän bulğan: "Möxämmät päyğämbär nindi yañalıq alıp kilde soñ, kürsätegez miña, fäqät yawızlıq häm keşesezlek tabarsız, häm dä üz dinen qılıç belän taratu färmannarın."
Bu süzlärne Möselmannar räncetü dip qabul itte, dönyanıñ berniçä ilendä protest çaraları ütte. Papa, mine döres añlamağannar, bu minem şäxsi qaraş tügel, barı tik sitat qına, dip añlatma birsä dä, möselmannar anı ğafu ütenergä taläp itte.
Rusiäneñ Mäftilär Şurası räise Rawl xäzrät Ğäynetdin uzğan atna radiobızğa birgän äñgämäsendä bolay digän ide:
"Qänäğätländek disäk tä bula, çönki Benedict XVI bu minem fikerem häm katolik çirkäwe pozitsiäse tügel dip añlattı. Bälki ul monı üzeneñ xezmäte belän kiläçäktä tağın da tanıtır, İslamğa häm möselmannarğa xörmäten ğämäldä küräster. Ämmä, bu äle yañğıraş tabar, Benedict XVIğa küp märtäbä İslam illärendä bulğanda, möselman oyışmaları belän oçraşqanda üzeneñ İslamğa mönäsäbäten äytep aqlanırğa turı kiler dip uylıym" dide Rawil xäzrät Ğäynetdin.
Düşämbedä möselman illäre wäkilläre belän oçraşuında Benedict XVI, elekke papanıñ İslam dönyası belän mönäsäbätlär qoru eşen däwam itäçägen belderde:
"Min xristiannar belän möselmannar arasında ixtiram wä ışanıçqa nigezlängän ozaq yıllar däwam itkän mönäsäbätlärneñ alğa taba da däwam itüen, alay ğına tügel, dinnärebez arasında uratqlıqlarğa quanu, ayırmalarğa ixtiram, añlaşu nigezendä tağı da täräqqi itüen telim" di Benedict XVI.
Berük waqıtta ul möselmannarnı da şundıy uq mönäsäbätkä çaqırdı. Qayber möselman illärendä, äytik Söğüd Ğäräpstanında, başqa din totuçıalarnıñ ğibädätlären irken qıla almawına Vatican borçılu belderä. Benedict XVI şulay uq, keşe ğömereneñ qimmäten añlatu - ruxanilarnıñ burıçı, digän süzlär äytte. Monısı, küräseñ, intihar höcümçelärne istä totıptır.
Alay da bügenge oçraşu äñgämä räweşendä ütmäde, anda papa üze genä säyläde. Oşraşuda şul isäptän, Törkiä wäkile dä bar ide. Noyäber ayında Benedict XVInıñ Törkiägä baruı qaralğan.
Ali Ğilmi