Accessibility links

якшәмбе, 11 декабрь 2016, Казан вакыты 01:19

Los Angeles Times: Ğiraqta avtonom ölkälär tözü kiçekterelde


Los Angelse Times Ğiraq citäkçeläre yäkşämbe könne konstitutsion krizistan qotıldı, xakimiätne üzäk xökümättän töbäklärgä tapşırunı küzdä totqan avtonom ölkälär buldıruğançı kimendä 18 ay kötärgä kileşte dip yaza. Bu çor eçendä parlament konstitutsiägä tözätmälär kertü mäsäläsen qarıyaçaq, avtonomiä mäsäläsendä fiker alışu mömkinlege biräçäk. Bu kompromis ilneñ könyağındağı şığıylarnıñ häm tönyağındağı kördlärneñ federal sistema tözü maqsatın cimerelüdän saqlap qala. Federal sistema alarnıñ üz töbäklärendäge zur neft yatmalarına xucalıq xoquqın köçäytäçäk. Şul uq waqıtta neftkä bay bulmağan üzäk häm könbatış töbäklärdä yäşäwçe sönnilärgä dä konstitutsiäne üzgärtep avtonomiälärneñ näticälelegen kimetergä tırışu öçen östämä waqıt bulaçaq dip yaza Los Angeles Times.Washington Post gazetı da şul turıda yaza. Sönnilär Şığıylarnıñ bu aydağı täqdimenä parlamentta boykot belän yanadı. Bu täqdim ilneñ könyağında tönyaqtağı yarım avtonom körd zonasına oxşağan şığıy töbäge tözelügä kiterä ala. Sönnilär üzlären başqa töbäklärdäge neft yatmalarınnan ayırıp üzäk cirlärdä qaldıraçaq bu planğa qatğıy qarşı çığa häm ilneñ yaña konstitutsiäsen tulısınça küzdän kiçerergä täqdim itä dielä Washington Post yazmasında.Times gazetı isä üzeneñ düşämbe sanında İrannıñ atom programması Yaqın Könçığışta atom qorallanuı yarışına kiterer digän borçular sürätendä Mısır belän Törkiäneñ atom däwlätläre rätenä omtıluı turında yazında. Prezident Xösni Möbäräk xakimiättäge Milli Demokratik Firqä äğzalarına Mısırnıñ atom programmasın iğlan itte, bez yaña energiä çığanaqların, şul isäptän tınıç atom energiäsen qullanunı arttırırğa tieşbez dip belderde dielä anda. Gazetada Londondağı Strategik Tikşerenülär Xalıqara İnstitutınıñ atom belgeçe Mark Fitzpatrick fikere kiterelä. Fitzpatrick İran atom qoralına iä bulğan oçraqta Yaqın Könçığış illäre arasında atom qoralına iä bulu öçen yarış başlanırğa mömkin häm andıy illär rätendä berençe çiratta Mısır, Törkiä häm Söğüd Ğärabstanı bula ala di. Yün ayında Törkiä premyer ministrı Recep Tayyip Ergodan 2015-nçe yılğa qädär 3 atom elektr staniäse tözeläçägen, şularnıñ berençese 2014 yılda Qara Diñgez buyındağı Sinop şähärendä eşli başlar dip kötelüen beldergän ide.Times Neftkä bay Söğüd Ğärabstanı isä atom elektr stansiäse tözergä cıyınmıy häm atom bombasınä iä bulu niätlären dä härdaim kire qağıp kilä di.
XS
SM
MD
LG