August ayında öç firqa: Rusiäneñ Tormış firqäse, Watan häm Pensionerlar firqäläre koalitsiä bulıp berläşäçäkläre turında beldergän idelär. Başqortstanda bu öç firqa tiz genä berläşä almasqa oxşağan. Eş şunda, berläşkän xäräkätkä Tormış firqäse başı Vyaçeslav Kvyat tik üzeneñ genä räislekkä layıq buluın beldergän. Bu uñaydan aña qarşı qalğan ike firqa bülekçäläre başları möräcägät qabul ittelär. Ul här öç firqa äğzalarına da cibärelgän. Anda Kvyat berläşkän xäräkätne citäklärgä tieş tügellege, anıñ firqa tözeleşe eşlären belmäwe, respubliktağı xällärdän yıraq buluı, Mäskäwdä yäşäwe äytelgän. Kvyat isä bu möräcägät uñayınnan barı tik üzeneñ genä layıq ikänlegen tağı ber qat iskä töşerep, däwlät Duması häm respublika parlamentlarında eşçänlek buyınça täcribäse barlığın belderde häm köndäşläreneñ mondıy täcribägä iä bulmawların assızıqladı.
