Tatar-başqortlarnı Mongoliägä sörergä dip bu ike millät wäkilläre arasında “abruy qazanğan” Rusiäneñ liberal demoqratlar firqäse başı Vladimir Jirinovskiy ütep barışlıy Ufada buldı. Ul Qızıl şähärennän Mäskäwgä qaytışlıy oçqıç yağulıq salırğa tuqtağan waqıtta jurnalistlar belän oçraştı. Anda ul firqäseneñ başqa firqälär belän berläşmäwen belderde. Başqortstanğa mönäsäbäte uñay buluın, anıñ Rusiädäge iqtisadıy köçle töbäklärdän ikänlegen äytte. Ul oçraşu axırında jurnalistlarğa kitapların, üz isemendäge tämäkelären tarattı. Aları bar jurnalistlarğa da citmäde. Jirinovskiy Zyuganovnıñ mondıy tämäkeläre yuq, bu firqäneñ buldıqlılığı turında söyli dide.
