Accessibility links

Кайнар хәбәр

Bolğarstan belän Romaniäneñ Yewropa Berlegenä quşıluı xuplandı


Yewropa Komissiäse Bolğarstan belän Romaniäneñ ğinwar ayında Yewropa Berlegenä quşıluın xupladı. Strassburgta Yewropa Parlamentına xisap iğlan itep Yewropa Komissiäse prezidentı Jose Manuel Barroso "Yewropa Komissiäse äle genä Bolğarstan belän Romaniäne äğza itep alu turındağı soñğı xisabın rasladı. Bez ike il dä 2007-nçe yılnıñ 1-nçe ğiwarınnan Yewropa Berlege äğzası xoquqların häm yöklämälären alırğa äzer digän näticägä kildek" dide. Ämma bu xisapta kötelgän iqtisadıy yardämneñ zur öleşe zarur bulğan reformalarnıñ ütäleşenä bäyle bulırğa tieş dielä. İke il dä reformalar barışı turında Berlekkä daimi xisap birep torırğa, berençe xisap kiläse yılnıñ mart axırında bulırğa tieş. Romaniä prezidentı Traian Basescu Yewropa Komissiäseneñ bu qararına xuplaw belderde. Şul uq waqıtta ul Azatlıq radiosına üz-üzenbezdän qänäğätlek xisenä birelmäskä kiräk dip belderde häm Yewropa Berlegendä äğza bulu Romaniädä ozaqqa suzılaçaq reformalar başlanunı añlata dide.
XS
SM
MD
LG