Accessibility links

шимбә, 3 декабрь 2016, Казан вакыты 14:45

“Söyembikä“ jurnalı “Böten Rusiä-2006” jurnalistlar festivaleneñ ciñüçese


Rusiä jurnalistları berlegeneñ bıyıl menä inde ХI märtäbä Bötenrusiä festivale uzdı. Ul Krasnodar ölkäsendä 4 kön däwamında bardı häm 27 sentäberdä tämamlandı. Bezgä bilgele buluınça , Dagomıs şähärendä ütkän Rossiä jurnalistları berlegeneñ festivalendä Tatarstannan da küp kenä jurnalistlar qatnaşqan. Kiçä, yäğni, 27 sentäberdä Dagomıs şähärendä menä şuşı festival''neñ yomğaqları çığarıldı. Anıñ yomğaqları Tatarstan jurnalistları öçen dä bik şatlıqlı bulğan. Krasnodar ölkäsendä ütkän bu festival''dä “Ğailä basması” nominatsiäsendä berençe urınğa tatar telendä çığuçı “Söyembikä” jurnalı layıq bulğan. Alar älege festival''lärdä soñğı 5-6 yıllarda daimi räweştä qatnaşıp kildelär. Häm bıyıl 3 nçe märtäbä şuşı festival''neñ lawreatları buldılar. “Söyembikä ” jurnalınıñ bıyıl 80 yıllıq yubileyı. Bu buläkne alar jurnalnıñ yubileyına da zur ber qotlaw”dip qabul itälär. Bez “ Söyembikä” jurnalınıñ baş möxärrire Firaya xanım Bädretdinova belän telefon aşa xäbärläşep anıñ üzeneñ xisläre belän urtaqlaşuın ütendek:

Berençe däräcäle diplom alıp qaytabız. Bu büläkne Rusiä jurnalistları berlegeneñ räise Vsevolod Bogdanov qulınnan aldıq. Söeneçebezneñ çige bulmadı, älbättä. Jurnalıbıznı şulay zurlawların kürü häm tatar xatın qızları jurnalınıñ iñ yaxşı dip tanıluı, Rusiädä niçek söyeneç bulmasın inde?

Şulay uq, Firaya xanım, Azatlıq radiosına Krasnodar ölkäsendä 4 kön däwamında festival''neñ qısalarında ütkärelgän çaralar, häm anda qatnaşqan jurnalistlar turında da söyläde :

“Yaxutlar, Qaraçay –Çerkeslar, Adığeyädän, Dağıstannan , Çeçnyadan, yaqın çit il däwlätlärennän: Belorusiä, Litva Qırğızstan, Tadcikstannan, Äzerbaycannan da bar ide jurnalistlar.Görläp tordı Dagosmıs . İrtädän kiçkä qadär tügäräk öställär eşläde. “Altın qäläm” iäläre, böten ilgä ataqlı bulğan jurnalistlar çığış yasadı monda cıyılğan jurnalistlar aldında. Häm töp süz “Jurnalist nindi bulırğa tieş digän temağa buldı. Şuşındıy wäzğıät waqıtında şundıy temanıñ kütärelüe, minem öçen bik ähämiätle toyıla”,- dide ul .

Bu festival''neñ yomğaqları Tatarstannıñ başqa basmaları öçen dä bik quanıçlı bulğan .Mäsälän, şähär gazetaları arasındağı bäygedä “Казанские ведомости ”, rayon gäzitläre arasındağı nominatsiädä “Менделеевские новости” gäzite ikençe urınnarğa layıq bulğan. Çallı TV “Töbäk telekompaniäläre”bäygesendä ikençe urınnı yaulağan. Festival''dä “Вечерние Челны ” gäzitäsenä dä büläk tapşırılğan .

Festival''ne yabu tantanasında küp kenä Rusiä jurnalistlarına maqtaw bilgese tapşırılğan, alar arasında Tatarstan jurnalistlar berlege räiseneñ urınbasarı Yuri Xanjin da bar.

Jurnalistlar forumı barışında Rusiä töbäklärendä çığuçı massaküläm mäğlümat çaralarınıñ kürgäzmäläre oyıştırılğan.

TR “Tatmedia” massaküläm mäğlümat agentlığınıñ respublika basmaların täqdim itkän stendı festival''neñ sertifikatı belän büläklängän.

Mälikä Basıyr

XS
SM
MD
LG