Accessibility links

җомга, 2 декабрь 2016, Казан вакыты 23:02

Rusiä Gruziädän ilçesen çaqırta


Mäskäw -- Rusiäneñ Tışqı eşlär ministrı Sergei Lavrov, Gruziädä şpionlıqta ğäyeplängän 6 Rusiä xärbieneñ totqarlanuın "Rusiägä qarşı säyäsi ğämäl" dip atadı. Bu wazğiätne ul Berläşkän Millätlär İminlek Şurasında tikşerergä çaqırdı.

Bügen Rusiä Gruziädäge ilçesen çaqırtıp aldı, Gruziä watandaşlarına viza birüen tuqtattı. Şulay uq, Rusiä räsmiläreneñ qayberläre ğailäläre belän Gruziädän kitäçäk dip iğlan itelde. Räsmi Mäskäw totqarlanğan xärbilärne kiçekmästän irekkä çığarırğa taläp itä.

Gruziä parlamentınıñ Saqlanu häm İminlek komitetı räise Givi Targamadze radiobıznıñ Gruziä bülegenä birgän äñgämäsendä bolay dide:

"Minemçä, Rusiä kisken belderülär yasağançı bu xärbilärgä täcribäle advokatlar ezlärgä tieş, çönki alarğa belderelgän ğäyepläwlär bik citdi."

Çärşämebdä Gruziädä Rusiä xärbi küzläw xezmäteneñ 4 äzğası totqarlanğan ide, atnaiç könne tağın ikäw. Gruziäneñ Eçke eşlär ministrlığı belderüençä, bu keşelär Gruziädä citdi provakatsiä äzerläw belän şöğellängän.

XS
SM
MD
LG