Udmurtiä mäçetläre qarşında oyıştırılğan mädräsälärdä bıyıl 1 oktäberdän 17 yıl rättän islam dine nigezlären öyränü buyınça däreslär başlana. İjaw mäçete imamı Faiz xäzrät Möxämmätşin süzlärençä, bu yıllarda törle yäştäge meñlägän millättäşebez sabaqlarda belem aldı, kemder uquların däwam itä, qayberäwläre inde üzläre uqıta.
İjaw mäçetendä uqularnı oyıştıruda yıl sayın üzgäreşlär kerälär. Ütkän yılda mäktäpkäçä yäştäge balalarnı tuplap, alar öçen dä ayırım uqular alıp barıldı. Bu balalar üzlären yaxşı yaqtan ğına kürsätkän. Şundıylar arasında, mäsälän, altı yäşlek Fatıyma da bar. Ul inde doğalar belä, ğäräp xäreflären dä üzläşterä başlağan.
Qızlar-malaylarnıñ däresläre uqu häm uyın belän aralaştırıp alıp barıla. Alarnı mawıqtıru häm belemnären tikşerü öçen törle alımnar qullanıla. Şul uq waqıtta Faiz xäzrät ata-analarğa da balalırınıñ niçek uquların, alarnıñ närsälär öyränülären, kemnär däreslär alıp barın tikşerep torırğa täqdim itä. Bıyılğı uqu yılında da mäktäptä uquçılar, urta häm ölkän yäştäge apa—abıylar häm mäktäpkäçä yäştäge balalar öçen dä däreslär oyıştıru küzdä totıla, dip urtaqlaştı İjaw mäçete imamı Faiz xäzrät.
Xämidä Ğayfullina, Udmurtiä
