Yäkşämbe könne respublikada ölkännär könen bäyräm ittelär. Xäyer, bäyräm çaraları 1 üktäber belän genä çiklänmäde, alar äle un kön däwam itäçäk. Alar arasında äbi-babaylarğa buşlay konsertlar, törle tamaşalar, kino kürsätü, qotlawlar häm büläklär taratu da qaralğan. Qotlawlar digännän, bäyräm uñayınnan olılarnı räsmi räweştä respublikanıñ Däwlät Şurası räise Färit Möxämmätşin, şähär merı İlsur Metşinnıñ täbrikläwlärendä ölkän buınğa qarata şundıy süzlär äytelä. Olı buınnıñ tormış täcribäse häm ziräklege yäş buınğa awır sınawlarnı uzarğa, tarixi borılışlarda döres yulnı saylarğa yärdäm itä. Bez sezdän tuğan cirne yaratırğa, teläsä nindi xäldä dä kiläçäkkä ömet häm xör küñellelek saqlap qalırğa öyränäbez. Çınlap ta, küpne kürgän häm kiçergän äbi-babaylarnıñ küpmese genä xäzer mul häm citeş tormışta yäşi ikän. Läkin niçek kenä buluğa qaramastan, alar yäşäwlären däwam itä. Ä ölkännär könendä olılarğa iğtibar citärlek bulğan mikän? Bügenge açıq mikrofonda bez şuşı xaqta soraşırğa buldıq.
Min bernindi dä iğtibarnı sizmädem. Bügen bezne filarmoniägä çaqırğan idelär, anda citäkçelär 300 sum aqça büläk ittelär. Ä rayon administratsiäsennän dä, başqalardan da bernindi iğtibar kürmädem. Ölkännär könendä bezgä bik zur iğtibar buldı. 35 inçe mäktäpkä bezne çaqırdılar, bik yaxşı östäl äzerlängän ide, büläkläre dä bar ide. Bik qänäğät bez. Bezne xökümät tarafınnan Sotsial'' yaqlaw ministrlığı bik yärdäm itä. Ber dä sizmädem. Eştän dä şaltıratıp täbrik itmädelär, 20 yıl eşläp çıqsam da. Kiräkmi şul, kemgä kiräk inde pensionerlar. Bernindi iğtibar da yuq! “Elekon” zavodında yegerme biş yıldan artıq eşlädem, zavod veteranı min. Ämma 48 yıl buyı eşlägän veteran bularaq min bernindi dä iğtibar kürmädem. Ölkännär könendä bar da bik yaxşı buldı. Qaynar aşlar birdelär. Podyezd işeklärendä şiğerlär, qotlawlar yazılğan käğäzlär elengän ide, ä başqaça iğtibar kürmädem. Eşlim äle min. Veteran bulsañ da, eşlägän keşegä yärdäm yuq dip äyttelär. Bezne 116 unçı mäktäpkä çaqırdılar, anda konsert kürsättelär. Ölkännär könendä bezgä bik zur iğtibar buldı. Matur itep qarşı aldılar bezne, täbriklädelär, kiläçäk tormışta uñışlar telädelär. Büläklär dä birdelär, zur räxmät. Bernindi dä iğtibar bulmadı. Kem iğtibar itsen inde miña! Uramda yördem cülär keşe kebek. Munçağa barıp qayttım tüläwsez genä. Räxätlänep yuınıp qayttım. Räxmät şunısına da.
