Ber törkem tatarstanlı bu könnärdä Pol’şa häm Litva tatarlarında qunaqta bulıp qayttı. 26 sentäberdän 2 oktäbergä qädär däwam itkän säyäxätne respublikanıñ Mädäniät ministrlığı oyıştırğan. Ministrlıq wäkillärennän tış yıraqtağı millättäşlärebezneñ xälen belergä Tatar kongressı, respublika kitap näşriäte wäkilläre, Aydar Fäyzraxmanov citäkçelegendäge tatar fol’klor ansamble dä bardı. Älege säfär turında tulıraq mäğlümätne bez tatar kongressınıñ Başqarma komitet räiseneñ berençe urınbasarı Rinat Wäliullinnan soraştıq.
Pol’şada uzğan çaralarnıñ iñ möhime – andağı tatarlar oyışmasınıñ 80 yıllığı. Monnan tış bez tatarlar yäşi torğan ike awılda buldıq. Andağı ike mäçet, iske tatar ziratı belän tanıştıq. Keşelär belän aralaştıq. Pol’şa tatarları inde üzläreneñ tellären yuğaltqan, isemnäre dä polyakça alarnıñ. Şulay uq bez älege awıllar urnaşqan voyevodstvo citäkçelege belän dä aralaştıq. Alar belän oçraşu waqıtında monda 2007 yılda Sabantuynı ütkärü turında, Qazan, tatarstan belän aralarnı canlandırıp cibärü xaqında da süz bardıPol’şadağı millättäşlärebezneñ xälen beleşkännän soñ, Tatarstan wäkilläre Litvağa yul tottı. Monda alar Visaginas şähärendä bulıp, andağı tatarlarnıñ yäşäyeşe belän tanışqan, şähärdä uzğan milli mädäniätlär festivalendä qatnaşqan.
Şähär 1975 yılda, monda atom stansiäsen tözegändä barlıqqa kilgän. Şuña da, mondağı tatarlar älege stansiäne tözergä kilgän belgeçlär nigezdä. Alarnıñ üz oyışmaları eşläp kilä, Miras digän fol’klor ansambl’läre bar, yäkşämbe mäktäp räweşendä tatar tele däresläre uqıtıla. Şähär xakimiäte tatarlarğa qarata bik cılı mönäsäbättä tora Şulay itep, tatarstanlılar Pol’şa häm Litva tatarlarınıñ xälen beleşep qayttı. Älege säfärne respublikanıñ Mädäniät ministrlığı oyıştırdı.
Gölnaz İlgizär
