Accessibility links

дүшәмбе, 5 декабрь 2016, Казан вакыты 23:36

Mäskäwdä Gruziä watandaşları tikşerelä


Rusiäneñ xoquq saqlaw oyışmaları Mäskäwdäge Gruziä watandaşlarınıñ kommertsia eşçänlegen tikşerä başlağan. “Kristal” kazinosı waqıtlıça yabılğan. Eçke eşlär ministrlığı belderüençä, bu kazino Gruziäneñ cinayätçel törkeme qaramağında. Şulay uq “Tiflis” qunaq yortı binasında da militsia operatsia ütkärä. Rusiä räsmiläre, bu bina qanunnı bozıp qunaqxanä bularaq qullanıla, dip belderä.

Rusiä sişämbe könne Gruziä belän transport bäyläneşen häm poçta elemtälären tuqtattı. Gruziä räsmiläre küzläwdä ğäyepläp totqarlanğan urıs xärbilären Mäskäwgä birügä qaramastan, Rusiä Tifliskä çikläwlär kertte. Bu xaqta Rusiäneñ tışqı eşlär ministrı Sergey Lavrov: “Transport yöreşen häm poçta elemtälären çikläwläwlär qanunıy bulmağan aqça ağımın tuqtatu öçen eşlände. Rusiädän Gruziägä küp aqça çığa”,- dide.

Gruziä Xalıqara sivil aviatsia oyışmasına Rusiäneñ Tifliskä oçışların tuqtatuın şikayät itergä cıyına. Quşma Ştatlar Rusiä belän Gruziäne citdi söyläşügä kereşergä çaqıra.

XS
SM
MD
LG