Rusiä xärbiläre Libanğa kitä başladı

Rusiäneñ injenerlar batalionı Mäskäw yanındağı “Çkalovski” hawa alanınnan Libanğa kitä başlağan. Xärbi hawa köçlär başlığı Vladimir Mixaylov, 3 kön eçendä barlığı 300 läp keşe häm 130 tonna yök cibäreläçäk, dip belderde. Texnikanıñ ber öleşe Libanğa diñgez yulı belän cibärelgän. Novorossiyskidan “Yuriy Arşenevski” köymäse yäkşämbe könne yulğa çıqqan inde.

Rusiä xärbiläre Libanda İzrail belän bulğan nizağ waqıtında cimerelgän yullarnı häm küperlärne tözätäçäk.