Bilgele bulğança, Rusiä Gruziä däwläte belän transport elemtäsen özde, iqtisadi xezmättäşlekne tuqtattı, anda xätta Rusiädän aqça cibärü dä mömkin tügel xäzer. Bu xaqta Qazandağı gruzinnar cämğiäte citäkçese Maya Emmanuilovnanıñ fikeren belergä telädek. Ämma gruzinnar cämğiäte citäkçese üz fikeren belderüdän baş tarttı. Rusiäneñ Gruziä belän elemtäne özügä xalıqnıñ fikere:
Elemtälärne tuqtatırğa kiräkmi ide inde. Bu wäzğıättän tınıç yul belän çığarğa kiräk ide. Xäzer Rusiä häm Gruziä arasında suğış başlansa, ul närsä bula inde. Bez bit 21 ğasırda yäşibez, minemçä bu xäldän üzara söyläşep çığarğa kiräk. Alay yaramıy.
Minem qaraş bik yaxşı, Gruziä üz ireklelege belän yäşärgä tieş, üz yulların tapsınnar. Här il üz irege belän yäşärgä tieş.
Min bu turıda belmim, çönki soñğı waqıtta televizor, radio tıñlağanım yuq.
Bu elemtälärne özärgä kiräk ide. İñ möhime suğış qına bulmasın. Alar bit bezgä yanıy başlağan idellär bit. Min tınıçlıq öçen genä.
Min bu xäl turında bik küp işetkänem yuq, çönki waqıtım da yuq televizor qararğa. Minemçä, ägär dä bezneñ il bu qararnı çığarğan ikän, dimäk şul döres.
Bik döres eşli bezneñ xökümät. Çönki alar böten tormışqa qomaçawlıq yasıylar. Läkin niçek kenä bulmasın gruzinnar şäp xalıq. Zamanında minem gruzin dustım da bar ide. Bik yaxşı keşe ide ul.
Gölnaz Şäyxetdin
