Accessibility links

дүшәмбе, 5 декабрь 2016, Казан вакыты 21:40

Açıq mikrofon: Ğailä büdjetığız küpme, anı kem tözi?


Respublika byudjetı belän berrättän Qazannıñ da 2007 yılğa kerem-çığım xisapların tögälläw bara. Bu xaqta 5 oktäberdä şähärneñ Başqarma komitetınnan Oskar Prokop’yev jurnalistlarğa söyläde. Kiläse yılda şähär qaznasınıñ küläme 7 milliard sumnan artıq bulaçaq. Çığımnarğa kilgändä isä, Qazan citäkçeläre mäğärif, mädäniät, şähärne maturlatu, tözekländerügä uzğan yıllarğa qarağanda kübräk aqça bülep birergä wäğdä itälär. Qazna, keremnär, çığımnar, aqçalar turında süz quyırtqan şuşı könnärdä bez qazanlılardan alarnıñ byudjetı belän qızıqsınırğa buldıq. Sezneñ byudjet nindi, anı kem tözi häm tikşerä – bügenge açıq mikrofon soraştıruı şuşı xaqta.

-Minem xezmät xaqı şul 8 meñneñ yartısı inde. Ä çığımnarıbız…12 meñ. Aqça bulsa, tözüçese tabılır ide äle anıñ.

Oqlad meñ sum, barısı bergä 5 meñgä yaqın bula inde. Citäme inde ul? Çığımnar bit küpkä kübräk bula. Min pensioner üzem, yalğız yäşim.

-Bezneñ ğailä byudjetı 7 meñ tiräse. Ğailädä dürt keşe. Niçek citsen di inde ul!

-Min 4 meñ alam. Balalarnı uqıtırğa kiräk, aşarğa kiräk, fatirğa tülärgä kiräk. Aqça ğına citmi.

-Ğailä başlığı bularaq byudjetnı min üzem tözim. Ul bezneñ 10 meñ tiräse cıyıla inde. Bu çığımnarğa qarağanda azraq inde. Xatınım uqıtuçı bulıp eşli. Anıñ aqçasın söylise dä yuq. Nindi bit xezmätläre, ä şunı yun'läp bäyäli dä almıylar. Ällä nigä ber 100-200 sumğa kütärälär dä, wässäläm! Ä alarnıñ xezmät xaqın 100%qa arttırsalar da, az bulır.

Al'bina Zäynulla

XS
SM
MD
LG