Çärşämbedä Yewropa Berlegeneñ tışqı eşlär komitetı utırışında Javier Solana Gruziä prezidentı Mixail Saakaşvili belän telefon aşa söyläşüen citkerde. Saakaşvili Kosovonıñ bäysezlege tanılsa (ä eş şuña taba bara) Gruziägä monıñ yoğıntısı bik yaman bulırğa mömkin digän. Bu borçularnı Solana üze dä añlıy:
"Bez qapqanğa eläktek. Saakaşvili da, barıbız da. İke yüple mexanizm qaqpanı. Ul ber yaq öçen yaxşı bula ala, ikençe yaq öçen - yuq. Ä bez här ike yaq öçen yaxşı çişeleş ezlärgä tieş. Bu ciñel tügel" di Javier Solana.
Serbiäneñ Kosovo töbägendä 2 millionlap keşe yäşi, kübese albannar. Räsmi Belgrad moña qarşı çığa, ämmä şuşı yılda başlanğan xalıqara söyläşülär töbäkkä bäysezlek birü belän tämamlanır kebek. Yewropa Berlege dä, Quşma Ştatlar da şunı kötä. Räsmi Mäskäw isä, Kosovoğa bäysezlek birelsä, Abxaziä belän Könyaq Osetiäneñ dä Gruziädän çığarğa xoquqı bulaçaq dip täqrarlıy.
Ul arada Mäskäw belän Tiflis arasınıda kierenkelek däwam itä. Küzläwdä ğäyeplängän 4 ofitsernıñ totqarlanuına cawap itep, Mäskäw Gruziä belän transport häm poçta elemtäsen özde. Bügen Rusiä Gruziägä viza tärtiben qırıslatu turında xäbär itte. Yaqın arada Däwlät Duması Gruziägä aqça cibürüne tıyğan qanun tikşerergä cıyına.
Bu kierenkelekneñ tamırında nizaqlı töbäklär mäsäläse yatuın Yewropa Berlege älbättä añlıy. Bu xaqta tışqı eşlär komitetınııñ pänceşämbe utırışında qabat äytelde. Berlekneñ Könyaq Kavkazdağı maxsus wäkile Peter Semneby Gruziä räsmillären bu töbäklär belän eş itkändä nığıtıp uylarğa çaqırdı.
"Bu nizaqlarnı tınıç yul belän xäl itü öçen Gruziäneñ qayber räsmilärenä qatı süzlären çitkäräk quyıp torıp, gruzinnar, osetinnar, abxazlar arasında söyläşü başlar öçen şartlar tudırırğa kiräk" di Yewropa Berlegeneñ Könyaq Kavkazdağı maxsus wäkile.
Yewropa Berlege Gruziäneñ bötenlegen yaqlıy, häm dä Mäskäw belän Tiflisnı añlaşuğa ireşergä çaqıra.
Komitet utırışında Gruziägä tınıçlıq köçläre cibärü mäsäläse dä kütärelgän. Solana süzlärençä, bu turıda annan Saakaşvili da sorağan bulğan. Ämmä ul yuq dip cawap birgän. Solana fikerençä, älegä Yewropa Berlege Gruziägä köçlär cibärergä äzer tügel. Fransiä, Germaniä, İtaliä kebek illär moña qarşı çığaçaq, alar Rusiä belän araların bozırğa telämi.
"Bu wazğiättä Gruziä öçen yaxşıraq çişeleş tabırğa kiräk. Ul tınıçlıq köçläre bulmasqa da mömkin, başqa närsä. Xäzergä min Gruziägä köçlär cibärmäs idem. Bu turıda min Saakaşvilineñ üzenä dä äyttem" di Javier Solana.
Küz aldında nindi başqa çaralarnı totıun Solana açıqlamadı. Yewropa Belege Mäskäw belän dä, Tiflis belän dä söyläşülären däwam itäçäk dip kenä çiklände.
Ali Ğilmi
"Bez qapqanğa eläktek. Saakaşvili da, barıbız da. İke yüple mexanizm qaqpanı. Ul ber yaq öçen yaxşı bula ala, ikençe yaq öçen - yuq. Ä bez här ike yaq öçen yaxşı çişeleş ezlärgä tieş. Bu ciñel tügel" di Javier Solana.
Serbiäneñ Kosovo töbägendä 2 millionlap keşe yäşi, kübese albannar. Räsmi Belgrad moña qarşı çığa, ämmä şuşı yılda başlanğan xalıqara söyläşülär töbäkkä bäysezlek birü belän tämamlanır kebek. Yewropa Berlege dä, Quşma Ştatlar da şunı kötä. Räsmi Mäskäw isä, Kosovoğa bäysezlek birelsä, Abxaziä belän Könyaq Osetiäneñ dä Gruziädän çığarğa xoquqı bulaçaq dip täqrarlıy.
Ul arada Mäskäw belän Tiflis arasınıda kierenkelek däwam itä. Küzläwdä ğäyeplängän 4 ofitsernıñ totqarlanuına cawap itep, Mäskäw Gruziä belän transport häm poçta elemtäsen özde. Bügen Rusiä Gruziägä viza tärtiben qırıslatu turında xäbär itte. Yaqın arada Däwlät Duması Gruziägä aqça cibürüne tıyğan qanun tikşerergä cıyına.
Bu kierenkelekneñ tamırında nizaqlı töbäklär mäsäläse yatuın Yewropa Berlege älbättä añlıy. Bu xaqta tışqı eşlär komitetınııñ pänceşämbe utırışında qabat äytelde. Berlekneñ Könyaq Kavkazdağı maxsus wäkile Peter Semneby Gruziä räsmillären bu töbäklär belän eş itkändä nığıtıp uylarğa çaqırdı.
"Bu nizaqlarnı tınıç yul belän xäl itü öçen Gruziäneñ qayber räsmilärenä qatı süzlären çitkäräk quyıp torıp, gruzinnar, osetinnar, abxazlar arasında söyläşü başlar öçen şartlar tudırırğa kiräk" di Yewropa Berlegeneñ Könyaq Kavkazdağı maxsus wäkile.
Yewropa Berlege Gruziäneñ bötenlegen yaqlıy, häm dä Mäskäw belän Tiflisnı añlaşuğa ireşergä çaqıra.
Komitet utırışında Gruziägä tınıçlıq köçläre cibärü mäsäläse dä kütärelgän. Solana süzlärençä, bu turıda annan Saakaşvili da sorağan bulğan. Ämmä ul yuq dip cawap birgän. Solana fikerençä, älegä Yewropa Berlege Gruziägä köçlär cibärergä äzer tügel. Fransiä, Germaniä, İtaliä kebek illär moña qarşı çığaçaq, alar Rusiä belän araların bozırğa telämi.
"Bu wazğiättä Gruziä öçen yaxşıraq çişeleş tabırğa kiräk. Ul tınıçlıq köçläre bulmasqa da mömkin, başqa närsä. Xäzergä min Gruziägä köçlär cibärmäs idem. Bu turıda min Saakaşvilineñ üzenä dä äyttem" di Javier Solana.
Küz aldında nindi başqa çaralarnı totıun Solana açıqlamadı. Yewropa Belege Mäskäw belän dä, Tiflis belän dä söyläşülären däwam itäçäk dip kenä çiklände.
Ali Ğilmi