Accessibility links

шимбә, 10 декабрь 2016, Казан вакыты 13:51

Röstäm Miñnexanov Qazaxstanda


Pänceşämbe könne Premyer-ministrı Röstäm Miñnexanov Qazaxstan Respublikasınıñ Kükçätäw şähärendä Qazaxstannıñ Premyer-ministrı Danial Äxmätov belän oçraştı. Söyläşü "KAMAZ-İnjiniring" oyışmasında uzdı, oçraşu urtaq oyışma açılıp eşli başlawğa ber yıl tuluğa bağışlandı. Äytergä kiräk, "KAMAZ-İnjiniring" oyışması avtomobil' texnikası citeşterü ölkäsendä Rusiä häm Qazaxstannıñ iñ berençe häm külämle proyektlarınnan berse bulıp sanala.

Oçraşu barışında urtaq oyışmanıñ üseş plannarı, KAMAZ nıñ törle tör maşinaların üzläşterü qaraldı. Üzara söyläşüdän soñ alar oktäber ayı urtalarında Astana şähärendä ike respublika Xökümäteneñ urtaq kiñäşmäsen ütkärü turında qararğa kilde. Kiñäşmädä yaña xärbi texnologiälär ölkäsendä xezmättäşlek itü mäsäläläre turında söyläşü planlaştırıla. Süz, ayırım alğanda, Kaspiy diñgezeneñ Qazaxstanğa qarağan öleşen saqlaw maqsatınnan zamança köymälä tözü, respublikanıñ saqlanu idäräsen boralaq cihazları belän tä'min itü häm qullanılıştan çığarılğan xärbi-texnik çaralarnı torğızu turında baraçaq.

Gölnaz Şäyxetdin

XS
SM
MD
LG