Macarstan xökümätenä ışanıçsızlıq ütmäde

Macarstan xökümätenä ışanıçsızlıq belderü täqdimen ilneñ parlamentı xuplamadı. Sentäber ayında, Macarstan premer-ministrı Ferenc Gyurcsany, saylawlarda ciñü ömete belän ilneñ çın iqtisadıy xälen xalıqtan yäşerüen, äytkännän soñ, ildä protest dulqınnarı uzğan ide. Citäkçelektäge Sotsialistlar firkäse uzğan yäkşämbe bulğan saylawlarda uñışqa ireşmäde. Şunnan soñ Gyurcsany xökümät yazmışın parlamentqa täqdim itte.

Oppozitsia Budapeştta yaña uram cıyını ütkärergä planlaştıra. Anda xökümätkä wazífalarınnan kitü taläbe quyılaçaq.