Accessibility links

дүшәмбе, 5 декабрь 2016, Казан вакыты 05:37

140 gruziäle Mäskäwdän Tifliskä cibärelgän


Migratsia qanunın bozuda ğäyeplänep, Rusiä başqalasınnan 140 keşe Tifliskä cibärelgän. Mäskäw şähärendä tağın ike: “Sol” häm “Kosmos” kazinoları yabıldı. Aña qädär isä, militsia, “gruzin cinayätçel törkemnäre” dip beldergän, 3 uyın yortı yabılğan ide inde. Pänceşämbe militsia “Bakkara” kazinosında da qanun bozular bar, dip belderde. Rusiä başqalasında berniçä gruzin restoranı da yabılğan.

Rusiä Däwlät duması Gruziädän Rusiä ğaskärlären çığaru häm Gruziä cire aşa xärbilärneñ ütü tärtibe turındağı kileşüne rasladı. Bu xaqtağı dokumentnı ike il prezidentı mart axırında Soçída imzalağan ide. Gruziä parlamentı anı äprel dä ük qabul itte. Kileşüdä Rusiä ğaskärläreneñ Axalkalakída, Batumdağı xärbi nığıtmalarnıñ häm şulay uq Kavkaz artındağı başqa xärbi qorılmalarınıñ eşläw tärtibe turında yazılğan. Bu doqument nigezendä Axalkalakídağı nığıtma kiläse yılnıñ axırında, ä Batumdağısı 2008 yıl betkändä yabılırğa tieş.

XS
SM
MD
LG