Accessibility links

якшәмбе, 4 декабрь 2016, Казан вакыты 09:12

Cir teträwdä isän qaluçılar İslamabadta uram cıyını uzdırdı


Ber yıl elek Paqstanda bulğan köçle cir teträwdä ziyan kürgän yözlägän keşe bügen İslamabadta uram cıyını uzdırdı. Alar räsmilärne tözeleş eşlärendäge rişwätçelektä ğäyepli. Uzğan yıl cir teträwdä 73 meñnän artıq keşe häläk bulğan ide. 3 yarım million keşe yortsız qaldı. İñ zur ziyan Paqstannıñ Kaşmir töbägenä kilde. Oxfam isemle xalıqara yardäm idaräse mäğlümatlärenä qarağanda, 2 millionğa yaqın keşe äle dä waqıtlıça çatırlarda yäşi. Ämma comğa könne bu uñaydan bulğan matbuğat oçraşuında, räsmilär – çatırlarda 35 kenä meñ keşe qaldı, alarnı da yortlarğa küçerü eşe däwam itä, dip äytelde. Räsmilär rişwätçelektä ğäyepläwlärne kire qaqtı, Paqstan prezidentı Pärwaz Möşärräf, bu atnada, xalıqara cämäğätçelekkä, aqçalata yardäm sorap möräcäğät itte.

XS
SM
MD
LG