Accessibility links

Mäktäplär arta bara, ä uquçılar kimi


Öç yıl buyına respublikada 250дән artıq sotsial'-mädäni häm mäğärif obyektı, yäğni binası tözelgän. Häm alarğa 5 milliard sumnan kübräk aqça totılğan. Şul uq waqıtta 300гә yaqın bina tözelep betmägän kileş yata ikän. Düşämbe könne uzğan utırışta Tatarstan Premyer-ministrı Röstäm Miñnexanov bıyıl sotsial'-iqtisadi üseş federal' programması tämamlana dip belderde. Şunıñ nigezendä üzäk qaznasınnan aqça kilü dä betä. Barlıq ömet respublika qaznasına. Dimäk aqçalarnı kiräkle itep tota belergä kiräk. Cıyılışta bäynä-bäynä şul xaqta süz bardı.

Respublikada ğomumän 12 meñnän artıq sotsial'-mädäni häm mäğärif binaları bar. Utırışta ayıruça mäğärif oyışmalarına, yäğni mäktäplär mäs’äläsenä tuqtaldılar. Çönki uquçılar sanı 3 yılda 47 meñgä kimegän, şulay uq eşläwçelär sanı, yäğni mäğärif xezmätkärläre sanı 7 meñgä azayğan. Şul uq waqıtta byudjettan, yäğni respublika qaznasınnan totıla torğan aqçalar arta ğına bara. Kiräk-kiräkmäskä aqça tuzmasın öçen barısı da xisaplanğan bulırğa tieş dielde Röstäm Miñnexanov tarafınnan. Ayırım närsä kiräklekne belmägängä, yäğni programma bulmağanğa bez federal' grant aluda da qatnaşa almaw açıqlandı.

2004 yıldan başlap barlıq sotsial', mädäniät, mäğärif tarmaqqa totıla torğan aqça 50 protsenttan 70 protsentqa qädär artqan. Yäğni – 39 milliard sum bulğan.

Respublikada ber uqıtuçığa turı kilä torğan balalar sanı da kimegän. Ber möğallimgä 14 uquçı turı kilergä tieş bulsa, ul san 7-10 balanı täşkil itä ikän. Ä qayber awıllarda bötenläy dä az. Şul uq waqıtta här uqıtuçığa xezmät xaqları ber ük tösle bulıp qala dielde. Ğomumän mädäniät, mäğärif häm sotsial' ölkädä 31 meñ keşe xezmät quya.

Utırışta şulay uq şähär cirendä balalar mäktäplärdä 2шәр smena uqıp ta sıymasalar, rayon-awıl cirleklärendä mäktäplär mäydanı buş toruı assızıqlandı. Şuña başlanğıç mäktäplär qalırğa tieş, ä ölkänräk sıynıflarnı avtobuslarda yörtü otışlıraq bula dip assızıqlandı. Çönki mäktäplär totuğa şaqtıy aqça kitä dielde. Şulay uq matur binalar tözep kenä anıñ sıyfatı yaxşırmıy dip belderelde. Berençe çiratta bulğannarın yaxşı itep eşlätü kiräklege assızıqlandı.

Landış Xarrasova

XS
SM
MD
LG