Accessibility links

шимбә, 3 декабрь 2016, Казан вакыты 12:39

Tatarstan prezidentı Britaniägä äzerlänä


10 üktäberdä tışqı eşlär ministrlığınıñ matbuğat üzägendä Tatarstan prezidentı Mintimer Şäymiev jurnalistlar belän oçraşu ütkärde. Bu oçraşuda Tatarstan, Rusiä, çit il jurnalistları da qatnaştı. Oçraşunı Rusiä Federatsiäsendäge çit il jurnalistları assotsiätsiäse citäkçese Äl''- Säid Ädib alıp bardı.

Tatarstan prezidentı bu oçraşunı jurnalistlar sorawı belän genä tügel, üzeneñ dä Angliädä bulaçaq investitsiä sammitı aldınnan oçraşası kilü telägen äytte. Tatarstan prezidentı, jurnalistlar Tatarstan xaqında üzgärtep qorular zamanınnan tulı tawış belän işetä başladılar, bu zaman qatlawlı çor ide, däwlätçelege bulğan xalıqnıñ üz añı uyanğan, xäbärlärlek çorı ide. Bez ul waqıtta sirat küpere aşa çıqtıq häm kiräkle çişeleş taptıq, dide. Şulay uq ul Qazannıñ meñ yıllığı, bıyılğı yılnıñ ädäbiät häm sänğät yılı buluın da iskä alıp kitte. Ä inde 2007 yılnı, bez Tatarstanda, xäyriä yılı dip iğlan itergä cıyınabız, dide Mintimer Şäymiev. Nigä ğäräp illäre belän xezmättäşlek itü az , nigä anda da Kamaz maşinaları yörmi digän sorawğa, Mintimer Şäymiev, ğäräp illäre belän xezmättäşlek üsä baruın, küptän tügel genä ul illärdä säfärdä buluın, xatta keçe xacda buluın da söyläde. Häm xaci bularaq, min inde barı tik ixlas küñeldän genä genä söylärgä tieşmen barısın da, dide ul.. Şulay uq Yevroislam, cäditçelek mäs’älälärenä qarata da sorawlar buldı. Bu uñaydan Mintimer Şäymiev İrannıñ elekke prezidentı Xataminıñ sivilizatsiälär dialogı turındağı süzlären işetmi qaldılar, bügenge zamanda ul döres täqdim ide, dip belderde. Ä inde Angliä säfäre turında söyläp ul. Angliä belän Tatarstan arasında yılına 700 million dollarlıq tawar äyläneşe bar. Bez anı arttırırğa uylıybız dide. Respublikanıñ iqtisatı mömkinleklärennän çığıp, dönya iqtisatında üz urınıbıznı alu, bezneñ maqsat, dide Tatarstan prezidentı. Şulay uq bugenge köndä Angliädä eşlägän İrek Möxämmätşin. Rawil Boxarayıvlarnı iskä alıp, Angliä belän sänğät bağlanışları da bar dip belderde. Tatarstan prezidentı süzlären Tatarstannıñ säwdä häm tışqı eşlär ministrı Xafiz Salixov däwam itep, bu säfärgä bez mart ayınnan birle äzerländek. Anda 100 keşelek wäkillek bara. Alar arasında sänäğät şirkäte citäkçeläre genä tügel, banklar citäkçeläre dä bulaçaq dide.

Alardan başqa Angliägä säfärgä öç spektakl'' belän Ğäliäskär Kamal isemendäge teatrnıñ da baruı mäğlüm.

Näzifä Kärimova, Mäskäw

XS
SM
MD
LG