Accessibility links

шимбә, 10 декабрь 2016, Казан вакыты 21:34

Mortaza Räximov tağı biş yıl prezident wäkälättären başqarasaq


Bögön Başqortostan Däülät Yıyılışı–Qoroltay üźeneñ sirattan tış ultırışın ütkärźe. İnde xäbär iteleüensä, unda ber mäs’älä-Respublika prezidentı wazifahında Mortaza Räximov wäkälättären oźaytıu buyınsa Räsäy prezidentı Vladimir Putin täqdime qaraldı. Bögön irtän irtük ultırış bula torğan urındı militsiya xeźmätkärźäre uratıp alğaynı. Avtomobildär xäräkäte lä tuqtatılğaynı. Mortaza Räximovqa wäkälättär bireü bına şunday haqlıq saraları menän başlanıp kitte. Uğa tiklem Başqortostan buyınsa VİXR ANTİTERROR operatsiyahı la iğlan itelgäyne. Öfögä kergän häm sıqqan urındarźa kilometrlap awtomobildär tığındarı barlıqqa kilgäyne. Militsiya xeźmätkärźäre ayırıusa yök maşinaların entekläp tikşerźe. Bögöngö ultırışta qatnaşıu ösön töngä ışıqlanıp tigändäy Räsäy proezidentınıñ Volğa buyı federal oqruğındağı tulı xoquqlı wäkile Aleksandr Konowalov ta kilep ette. Öfö aeroportında unı Mortaza Räximovtan tış bar etäkselär źä qarşı aldı. Respublikanıñ kiñ mäğlümät saraları bögöngö ultırıştı yıldıñ iñ möhim ijtimaği–säyäsi waqiğahı tip bahalap ta ölgörźö. Parlament deputattarı Mortaza Räximov qandidaturahın xuplanı. 119 deputattañı barıhı la ıñğay tauış birźe.

Huñınan xäźer inde Putin tarafınan täqdim itelgän häm parlament tarafınan xuplanğan prezident däülät teldärendä ant birźe.

Şulay itep, 72 yäşlek Mortaza Räximov tağı la biş yıl prezident wäkälättären başqarasaq.

Räsäy prezidentınıñ Volğa buyı federal oqruğındağı wäkile Aleksandr Konowalov Mortaza räximovtı qotlap räsäy däülätselegen artaban da nığıtırhığıź tip Räsäy gerbın tapşırźı.

Däülät Yıyılışı–Qoroltay ultırışına tiklem respubliqala yämäğät oyoşmalarınıñ samanan tış äüźemlege küźätelde. Vladimir Putin üź qararın ğämäldän sığarmayasağın añlağan häm bıl qararźan mömkin tiklem säyäsi qapital tuplarğa tırışqan oyoşmalar Berźäm Räsäy firqähenän torğan respubliqa parlamentı deputattarına Mortaza Räximovtıñ prezident wäkälättären oźaytıuźı horap respubliqa parlamentına möräjäğättär künderźe. Mäğlüm bulıuınsa, Mortaza Räximov üźe lä şul uq firqä keşehe. Yäğni tauış bireü nätijäläre inde aldan uq bildäle ine. Başqortostandağı 2 million qatın–qıź isemenän qatın–qıźźar berlege häm unıñ räyese, äytkändäy deputat Räşiźä Soltanowa la üź qolleğalarına möräjäğät itte.

Äxmät Söläymänov kitkäs eşmäkärlege ber aź hünep qalğan bötön Donya qoroltayı başqarma qomitetı la baş kürhätep tap oşo köndärźä hüź sığarźı. Baqtihäñ, qoroltayğa la Mortaza Räximov qandidaturahın yaqlap xattar yaźıu oeoştorolğan ikän. Kurğan, Hartıu,Hamar, Swerdlau,Siläbe, Irımbur ölkälärendäge, tatarstandağı mäskäüźäge, Piterźağı häm donyanıñ tağı la törlö möyöştärendäge başqorttar deputattarźan Mortaza Räximov wäkälättären oźatıuźı horağan. Möräjäğättärźä äyteleüensä, Başqortostan yıldan-yıl alğa kitä bara, xalıqtıñ yäşäü kimäle yaqşıra. Respubliqala başqort xalqınıñ tele,mäźäniäte üśä. Bıl Mortaza Räximov ütkärgän säyäsät emeşe.

Başqortostandağı räsmi xakimiättärgä loyal säyäsi texnoloğtar źa Vladimir Putin täqdimen tärän mäğänägä eyä tip bildäläne. Säyäsi texnoloğ Sergey Lawrenew.

Däülät Yıyılışı–Qoroltay räyese Konstantin Tolqaçew jurnalistarğa bögön ser astı. Baqtihäñ Vladimir Putin bığa tiklem ber–nisä tapqır Mortaza Räximovqa wäkälättären oźaytırğa täqdim itkän. Mortaza räximov törlö/TsİTATA obektiv häm subektiv säbäptär menän bıl täqdimdän baştartıp kilgän.

Konstatin Tolqaçew Putin täqdimen xalıq ta kütärep aldı tine. Ämmä xalıq arahında fekerźär törlösä.

XS
SM
MD
LG